பிரித்தானியாவில் சட்டவிரோதமாக குடியேறியர்களுக்கு தொழில் வழங்கினால் 60,000 பவுண்ட் அபராதம்

பிரித்தானியாவில் சரியான விசா இல்லாமல் சட்டவிரோதமாக குடியேறியவர்களை வேலைக்கு அமர்த்துபவர்கள் அல்லது ஆதரிப்பவர்களுக்கான அபராதம் நடைமுறைக்கு வந்துள்ளது.

சட்டவிரோதமாக குடியேறியவர்களுக்கு வேலை மற்றும் தங்குமிடங்களை வழங்கும் வணிக நிலையங்கள் மற்றும் உரிமையாளர்கள் செவ்வாய்க்கிழமை முதல் அபராதங்களை எதிர்கொள்ளவார்கள் என அறிவிக்கப்பட்டுள்ளது.

அதற்கமைய, முறையான விசா இல்லாமல் புலம்பெயர்ந்தவர்களை வேலைக்கு அமர்த்தும் தொழில் வழங்குனர்களுக்கு 45,000 பவுண்ட் அபராதம் விதிக்கப்படும்.

தொழில் வழங்குனர்களின் முதலாவது மீறலுக்கு ஒரு பணியாளருக்கு 45,000 அபராதம் விதிக்கப்படும். மீண்டும் மீண்டும் விதிகளை மீறுவது கண்டறியப்பட்டால் 60,000 பவுண்டாக அபராதம் உயரும் எனவும் அறிவிக்கப்பட்டுள்ளது.

தங்குமிடம் வழங்கும் உரிமையாளர் 5,000 பவுண்ட் அதிகரிப்பதனை பார்க்க முடியும். மேலும் சட்டவிரோதமாக குடியேறியவர்கள் அங்கு பிடிபட்டால், 1,000 பவுண்டிலிருந்து 10,000 பவுண்டாகவும் அபராதம் அதிகரிக்கப்படும்.

மீண்டும் மீண்டும் மீறல்கள் இடம்பெற்றால் ஒருவருக்கு முறையே 10,000 பவுண்ட் முதல் 20,000 பவுண்டாகவும் உயரும். இந்த சட்டம் முதலில் கடந்த வருடம் ஒகஸ்ட் மாதம் முதலில் அறிவிக்கப்பட்ட நிலையில் நேற்று முன்தினம் முதல் அமுல்படுத்தப்பட்டுள்ளது.

இந்த அபராத நடைமுறை சிறிய படகுகளில் கால்வாயைக் கடப்பதைக் கருத்தில் கொண்டு, கடத்தல்காரர்களைத் தடுக்க உதவும் என்று அமைச்சர்கள் வாதிடுகின்றனர்.

ஆனால் தண்டனைகளை வலுப்படுத்துவது வலுவான அமலாக்க நடவடிக்கையுடன் இணைக்கப்பட வேண்டும் என்று தொழிற்கட்சி வாதிட்டது.

“ஆபத்தான ஆட்கடத்தல்காரர்களின் வணிக மாதிரியை அகற்றும் பணியில் நாங்கள் பெரும் முன்னேற்றம் அடைந்து வருகிறோம்” சட்டவிரோத இடம்பெயர்வு அமைச்சர் மைக்கேல் டாம்லின்சன் தெரிவித்துள்ளார்.

“ஆனால், சட்டவிரோதமாக குடியேறுபவர்கள் தங்களிடம் வேலை செய்வதற்கும் அவர்களது வீடுகளை வாடகைக்கு விடுவதற்கும் விருப்பத்துடன் அனுமதிக்கும் தொழில் வழங்குனர்கள் மற்றும் உரிமையாளர்கள் எங்கள் முயற்சிகளை குறைமதிப்பிற்கு உட்படுத்துகிறார்கள். சட்டவிரோத வேலை அமலாக்க நடைமுறைகள் கடந்த ஆண்டு கிட்டத்தட்ட 70 சதவீதம் அதிகரித்துள்ளன” என அவர் மேலும் தெரிவித்துள்ளது.