கனேடிய பிரதமர் உக்ரைனுக்கு திடீர் விஜயம்
கனேடிய பிரதமர் ஜஸ்டின் ட்ரூடோ சனிக்கிழமையன்று உக்ரைன் தலைநகருக்கு திடீரென விஜயமொன்றை மேற்கொண்டார்.
கனேடியப் பிரதமரின் விஜயத்திற்கான புகைப்படங்கள் சமூக வலைப்பின்னல்களிலும் கனேடிய வெகுஜன ஊடகங்களிலும் வெளிவந்தன.
பாதுகாப்பு காரணங்களுக்காக மேற்கத்திய அரச தலைவர்களின் பெரும்பாலான வருகைகளைப் போல ட்ரூடோவின் வருகை அறிவிக்கப்படவில்லை.
தலைநகரில், ரஷ்ய-உக்ரைன் போரில் இறந்த இராணுவ வீரர்களுக்கு அர்ப்பணிக்கப்பட்ட நினைவகச் சுவரில் மலர்வளையம் வைத்து ட்ரூடோ தனது அஞ்சலியை செலுத்தினார்.
பெப்ரவரி 2022 இல் உக்ரைன் மீது ரஷ்யாவின் பெரிய அளவிலான படையெடுப்பு தொடங்கியதிலிருந்து ட்ரூடோ உக்ரைனுக்கு மேற்கொண்ட இரண்டாவது விஜயம் இதுவாகும். ட்ரூடோ கடைசியாக உக்ரைனுக்கு மே 2022 இல் விஜயம் செய்தார்.
மே 2023 இல், அதிபர் ஜெலென்ஸ்கி கனேடிய பிரதமர் ட்ரூடோவுடன் ஒரு தொலைபேசி உரையாடலை நடத்தினார், அதில் அவர் நீண்டகால பாதுகாப்பு ஒத்துழைப்பின் திட்டத்தைப் பற்றி விவாதித்தார், மேலும் கனடாவில் ரஷ்ய சொத்துக்கள் பறிமுதல் செய்யப்பட்டதன் தொடக்கத்தையும் குறிப்பிட்டார்.
ஏப்ரல் மாத இறுதியில், கனேடிய அரசாங்கம் 39 மில்லியன் கனடிய டொலர்கள் மதிப்பிலான (US$28.9 மில்லியன்) புதிய இராணுவ உதவியை உக்ரைனுக்கு வழங்குவதாக அறிவித்தது.
(Visited 18 times, 1 visits today)
