ஜுலியன் அசாஞ்சேவின் வழக்கு விசாரணை : பிரித்தானிய நீதிமன்றம் பிறப்பித்த அதிரடி உத்தரவு!
விக்கிலீக்ஸ் நிறுவனர் ஜூலியன் அசாஞ்சே, உளவு பார்த்த குற்றச்சாட்டில் அமெரிக்காவிடம் ஒப்படைக்கப்பட்டதை எதிர்த்து மேல்முறையீடு செய்யலாம் என இங்கிலாந்து நீதிமன்றம் தீர்ப்பளித்துள்ளது.
ஐக்கிய இராச்சியத்தின் அரசாங்கத்தின் ஒப்படைப்பு உத்தரவை சவால் செய்ய அசாஞ்சேக்கு காரணங்கள் இருப்பதாக உயர் நீதிமன்ற நீதிபதிகள் விக்டோரியா ஷார்ப் மற்றும் ஜெர்மி ஜான்சன் ஆகியோர் குறிப்பிட்டுள்ளனர்.
ஏறக்குறைய 15 ஆண்டுகளுக்கு முன்பு தனது விக்கிலீக்ஸ் இணையதளத்தில் வெளியிடப்பட்ட இரகசிய அமெரிக்க ஆவணங்களின் மீது 17 உளவு குற்றச்சாட்டுகளையும், கணினியை தவறாகப் பயன்படுத்தியதாக ஒரு குற்றச்சாட்டையும் அசாஞ்சே எதிர்கொள்கிறார்.
ஆஸ்திரேலியாவைச் சேர்ந்த அசாஞ்சே, கடந்த ஐந்து ஆண்டுகளாக பிரித்தானிய உயர்பாதுகாப்பு சிறையில் அடைக்கப்பட்டிருந்தார். அதற்கு முந்தைய ஏழு ஆண்டுகள் லண்டனில் உள்ள ஈக்வடார் தூதரகத்தில் தஞ்சம் புகுந்தார்.
இந்நிலையிலேயே அவர் பிரித்தானிய நீதிமன்றத்தில் வழக்கு விசாரணையில் வெற்றியீட்டியுள்ளார்.
எவ்வாறாயினும் விக்கிலீக்ஸால் வெளியிடப்பட்ட இராஜதந்திர கேபிள்கள் மற்றும் இராணுவ கோப்புகளை திருட அமெரிக்க இராணுவ உளவுத்துறை ஆய்வாளர் செல்சியா மானிங்கை அசாஞ்சே ஊக்குவித்து உதவியதாக அமெரிக்க வழக்கறிஞர்கள் குற்றம் சாட்டுகின்றனர்.
(Visited 9 times, 1 visits today)
தொடர்புடைய செய்திகள்:
பிரான்ஸில் தொடர்ச்சியாக போராடும் விவசாயிகள் : உள்துறை அமைச்சர் பிறப்பித்த உத்தரவு!
உக்ரைனுக்கு £500 மில்லியன் இராணுவ உதவி வழங்கும் பிரித்தானியா!
ஜெர்மனியில் குழந்தைகளுக்கு அடிப்படை கொடுப்பனவு – திட்டத்திற்கு அமைச்சர் எதிர்ப்பு
ரஷ்ய இராணுவ இலக்குகளைத் தாக்க திட்டம் : உக்ரைனுக்கு அனுமதி வழங்கிய பிரித்தானியா
இரண்டாம் உலகப் போரின் சந்தேகத்திற்குரிய வெடிகுண்டு: மக்கள் அவசர அவசரமாக வெளியேற்றம்
கென்ட் கடற் பகுதியில் மிதக்கும் வெடிகுண்டுகளுடன் இனங்காணப்பட்டுள்ள ரஷ்ய கப்பல் : அச்சத்தில் மக்கள்!
