காசாவில் பேரவலம் – மருத்துவ இடமாற்றத்திற்காக காத்திருந்த 1,268 பேர் பலி

எகிப்துடன் இணைந்துள்ள ரஃபா எல்லைக் கடவை (Rafah border crossing), வரையறுக்கப்பட்ட அளவில் மட்டுமே திறக்கப்படுவதால், ஆயிரக்கணக்கான நோயுற்ற மற்றும் காயமடைந்த பலஸ்தீனியர்கள் வெளிநாடுகளுக்குச் சென்று அவசர மருத்துவ சிகிச்சை பெற காத்திருப்பதாக கூறப்படுகிறது.

ரஃபா கடவைஆறு மணி நேரம் மட்டுமே செயல்படும் என்றும், ஒரு நாளில் 150 பேர் மட்டுமே காசாவிலிருந்து வெளியேற அனுமதிக்கப்படுவார்கள் என்றும் இஸ்ரேல், தெரிவித்துள்ளது.

இதேவேளை 50 பேர் மட்டும் காசாவிற்குள் நுழைய அனுமதி வழங்கப்படும் என கூறப்படுகிறது.

ரஃபா கடவை மூடப்பட்டிருந்த காலத்தில், மருத்துவ இடமாற்றத்திற்காக காத்திருந்த 1,268 பேர் காசாவில் உயிரிழந்ததாக சுகாதார அதிகாரிகள் கூறுகின்றனர்.

மேலும், உடனடியாக அதிகமானவர்களுக்கு வெளியேற அனுமதி வழங்கப்படாவிட்டால், இந்த எண்ணிக்கை மேலும் அதிகரிக்கும் என்று மருத்துவர்கள் எச்சரிக்கை விடுத்துள்ளனர்.

இஸ்ரேல் – ஹமாஸ் மோதல் காரணமாக இதுவரை 70,000 இற்கும் மேற்பட்டோர் உயிரிழந்துள்ளதுடன் 171,483 பேர் காயமடைந்துள்ளமை குறிப்பிடத்தக்கது.