உலக நாடுகளை உலுக்கும் வெப்பம் – அதிகரிக்கும் மரணங்கள் – திணறும் மக்கள்

இந்த நாட்களில் மெக்சிகோ மற்றும் மத்திய அமெரிக்காவை பாதித்துள்ள அதிக வெப்பநிலை சுமார் 35 சதவீதம் அதிகரிக்கலாம் என அமெரிக்க விஞ்ஞானிகள் எச்சரித்துள்ளனர்.

இந்த நிலை 2000 ஆம் ஆண்டு ஏற்பட்ட நிலையை விட நான்கு மடங்கு அதிகம் எனவும் அவர்கள் மேலும் தெரிவித்துள்ளனர்.

மெக்சிகோவில் இந்த பதிவான வெப்பநிலை காரணமாக 125 பேர் உயிரிழந்துள்ளனர்.

மேலும், ஆயிரக்கணக்கான மக்கள் அதிக வெப்பநிலையால் பாதிக்கப்பட்டுள்ளதாக வெளிநாட்டு ஊடகங்கள் தெரிவித்துள்ளன.

புதைபடிவ எரிபொருள் எரிப்பு மற்றும் காலநிலையை வெப்பமாக்கும் பசுமை இல்ல வாயுக்கள் வளிமண்டலத்தில் வெளியிடப்படுவதால், மில்லியன் கணக்கான மக்கள் எதிர்காலத்தில் ஆபத்தான வெப்பமான வானிலைக்கு ஆளாக நேரிடும் என்று எதிர்பார்க்கப்படுகிறது.

இதற்கிடையில், இந்த நாட்களில் பரவும் அதிக வெப்பநிலை இந்தியாவையும் பாதித்துள்ளது.

அதன்படி, மே மாதம் முதல், நாட்டின் சில பகுதிகளில் வெப்பநிலை 40 டிகிரி செல்சியஸைத் தாண்டியுள்ளது.

அதிக வெப்பநிலை காரணமாக சுமார் 20 பேர் உயிரிழந்துள்ளதாக வெளிநாட்டு ஊடகங்கள் தெரிவிக்கின்றன. அதிக வெப்பநிலை காரணமாக அதிகளவான மக்கள் வைத்தியசாலையில் அனுமதிக்கப்பட்டுள்ளதாக வெளிநாட்டு ஊடகங்கள் செய்தி வெளியிட்டுள்ளன.

தலைநகர் டெல்லியில் உள்ள மருத்துவமனை டாக்டர் ஒருவர், இதுபோன்ற சம்பவத்தை இதுவரை பார்த்ததில்லை என்று கூறியுள்ளார்.

தில்லியில் புதிதாக வெப்ப வாத பிரிவு தொடங்கப்பட்டதில் இருந்து இதுவரை 07 பேர் வெப்ப வாதத்தால் உயிரிழந்துள்ளனர்.

அங்கு 40க்கும் மேற்பட்டோர் சிகிச்சை பெற்று வருவதாக தெரிவிக்கப்பட்டுள்ளது.

அதிக வெப்பம் காரணமாக மின் தேவையும் அதிகரித்துள்ளது.

மின்சார தேவையை பூர்த்தி செய்ய முடியாததால், இந்தியாவில் அடிக்கடி மின் தடை ஏற்படுவதாக இந்திய ஊடகங்கள் செய்தி வெளியிட்டுள்ளன.