பறக்கும்போது விமானத்தின் அவசர கதவை திறக்க முற்பட்ட பயணியால் பதற்றம்!
பிரேசிலில் இருந்து பனாமா நோக்கிச் சென்றுக்கொண்டிருந்த விமானத்தில் பயணி ஒருவரின் செயலால் பதற்றம் ஏற்பட்டுள்ளது.
குறித்த பயணி விமானம் தரையிறங்குவதற்கு 30 நிமிடங்கள் இருந்த நிலையில் அவசர கதவை திறக்க முயற்சித்தமையால் பதற்றம் ஏற்பட்டுள்ளது.
அந்த நபர், தனது சாப்பாட்டு தட்டில் இருந்து ஒரு பிளாஸ்டிக் கத்தியுடன் ஆயுதம் ஏந்தியபடி, விமானத்தின் பின்புறம் விரைந்து வந்து, விமானப் பணிப்பெண்ணை பணயக்கைதியாக பிடிக்க முயன்றதாகவும் தெரிவிக்கப்படுகிறது.
மற்ற பயணிகள் விரைவாக தலையிட்டு, அந்த நபரைக் கட்டுப்படுத்தியதாக தெரிவிக்கப்படுகிறது.
விமானம் தரையிறங்கியதும் அவர் கைது செய்யப்பட்டு அழைத்து செல்லப்பட்டுள்ளதாக தெரிவிக்கப்படுகிறது.
