ஆஸ்திரேலியாவில் இளைஞர்கள் மீது கத்திக்குத்து – ஒருவர் பலி – ஒருவர் கவலைக்கிடம்

மேற்கு சிட்னியில் உள்ள பாடசாலை ஒன்றிற்கு வெளியே இடம்பெற்ற கத்திக்குத்து தாக்குதலில் இளைஞர் ஒருவர் உயிரிழந்துள்ளதுடன் மேலும் ஒருவர் காயமடைந்துள்ளார்.

சம்பவம் தொடர்பில் ஒருவர் கைது செய்யப்பட்டுள்ளதாகவும் மேலும் ஆறு பேர் கொண்ட சந்தேக நபர்களை தேடும் நடவடிக்கையை பொலிஸார் மேற்கொண்டு வருவதாகவும் தெரிவிக்கப்படுகின்றது.

நேற்று பிற்பகல் 3.40 மணியளவில் பவர் ஸ்ட்ரீட்டில் உள்ள டூன்சைட் ஹை ஸ்கூல் ஆஃப் டெக்னாலஜிக்கு அருகில் கத்திக்குத்து சம்பவம் நடந்ததாக காவல்துறை அவசர சிகிச்சை பிரிவுக்கு தகவல் கிடைத்தது.

காயமடைந்த 19 வயதுடைய இளைஞனின் நிலைமை கவலைக்கிடமாக இருப்பதாக தெரிவிக்கப்பட்டுள்ளது.

கைது செய்யப்பட்ட சந்தேக நபர் பிளாக்டவுன் பொலிஸாரின் காவலில் உள்ளார் மேலும் அவர் மீது இதுவரை குற்றப்பத்திரிகை தாக்கல் செய்யப்படவில்லை.

இந்த வாள்வெட்டுச் சம்பவத்தில் இரண்டு இளைஞர் குழுக்கள் ஈடுபட்டிருக்கலாம் என சந்தேகிக்கப்படும் பொலிஸார், சந்தேக நபர்களைத் தேடி வர்த்தக நிலையம் மற்றும் புகையிரத நிலையத்தைச் சுற்றிலும் சோதனைகளை மேற்கொண்டுள்ளனர்.

மேலும், ரத்தக்கறை படிந்த கத்தி ஒன்றையும் போலீசார் கண்டுபிடித்துள்ளனர், மேலும் சம்பவத்திற்கான சரியான காரணம் இதுவரை வெளியாகவில்லை என தெரிவிக்கப்பட்டுள்ளது.