நியூசிலாந்தை வீழ்த்தி T-20 தொடரை வென்றது தென்னாபிரிக்கா!

நியூசிலாந்து New Zealand மற்றும் தென்னாபிரிக்கா South Africa அணிகளுக்கிடையிலான கடைசி T – 20 போட்டியில் வெற்றிபெற்று, தொடரை 3-2 என்ற அடிப்படையில் தென்னாபிரிக்கா அணி கைப்பற்றியுள்ளது.

தென்னாபிரிக்கா அணி நியூசிலாந்துக்கு சுற்றுப்பயணம் மேற்கொண்டு 5 T20 போட்டிகள் கொண்ட தொடரில் விளையாடியது.

ஏற்கனவே 4 போட்டிகள் முடிந்த நிலையில் தொடர் 2-2 கணக்கில் சமநிலையில் இருந்தது.

இந்நிலையில் இன்று (25) 5-வது T20 போட்டி Hagley Oval
மைதானத்தில் நடைபெற்றது.

இப்போட்டியில் முதலில் துடுப்பெடுத்தாடிய தென்னாபிரிக்கா அணி 20 ஓவர்களில் 4 விக்கெட்டுகளை இழந்து 187 ஓட்டங்களைப் பெற்றது.

இதையடுத்து 188 ஓட்டங்கள் என்ற வெற்றி இலக்கை நோக்கி களமிறங்கிய நியூஸிலாந்து அணி 20 ஓவர்களில் 8 விக்கெட்டுகளை இழந்து 154 ஓட்டங்களைப் பெற்றது.

இதன் அடிப்படையில் தென்னாபிரிக்கா அணி 33 ஓட்டங்கள் வித்தியாசத்தில் வெற்றிபெற்று தொடரைக் கைப்பற்றியது.

ஆட்ட நாயகனாகவும், தொடர் ஆட்ட நாயகனாகவும் தென்னாபிரிக்க வீரர் Connor Esterhuizen தெரிவு செய்யப்பட்டுள்ளார்.