சிவகார்த்திகேயனுக்கு விரைவில் 3-வது குழந்தை பிறக்கபோகுது… குவியும் வாழ்த்து

சிவகார்த்திகேயன் – ஆர்த்தி ஜோடிக்கு ஆராதனா, குகன் தாஸ் என இரண்டு குழந்தைகள் உள்ள நிலையில், விரைவில் 3வது குழந்தை பிறக்கப்போகிறதாம்.

கோலிவுட்டின் இளவரசனாக கொண்டாடப்படுபவர் சிவகார்த்திகேயன். சின்னத்திரையில் இருந்து வெள்ளித்திரைக்கு வந்து தன்னுடைய கடின உழைப்பால் முன்னேறி இன்று விஜய், அஜித்துக்கு நிகரான இடத்தை பிடித்துள்ள இவர், சினிமாவில் எண்ட்ரி கொடுக்கும் முன்னரே திருமணம் செய்துகொண்டார்.

இவர் விரைவில் மற்றுமொரு குழந்தைக்கு தந்தையாக இருக்கிறார். தற்போது சிவகார்த்திகேயன் மனைவி ஆர்த்தி கர்ப்பமாக உள்ளது தெரியவந்துள்ளது. விரைவில் இந்த ஜோடிக்கு மூன்றாவது குழந்தை பிறக்க உள்ள தகவல் தான் தற்போது கோலிவுட்டில் வைரலாக பேசப்பட்டு வருகிறது. சமீபத்தில் ரசிகர் ஒருவரின் இல்ல விழாவில் கலந்துகொண்டபோது எடுத்த வீடியோ வெளியானது.

அந்த விழாவில் நடிகர் சிவகார்த்திகேயன் தன்னுடைய மனைவி ஆர்த்தி உடன் வந்து கலந்துகொண்டார். அப்போது ஆர்த்தி கர்ப்பமாக இருக்கும் தகவல் தெரியவந்துள்ளது. இதைப்பார்த்த ரசிகர்கள் விரைவில் 3-வது குழந்தைக்கு தந்தையாக இருக்கும் சிவகார்த்திகேயனுக்கு வாழ்த்துக்களை தெரிவித்து வருகின்றனர்.

சினிமாவிலும் செம்ம பிசியாக உள்ள சிவகார்த்திகேயன் தற்போது வரிசையாக படங்களில் கமிட்டாகி நடித்து வருகின்றமை குறிப்பிடத்தக்கது.