ஓ.டி.டியில் “சிறை” விடுதலையாகும் திகதி அறிவிப்பு!

” சிறை” படத்தின் ஓ.டி.டி. வெளியீடு தொடர்பான திகதி அறிவிக்கப்பட்டுள்ளது.

இதற்கமைய குடியரசு தினத்தை முன்னிட்டு எதிர்வரும் 23 ஆம் திகதி குறித்த படம் ஓ.டி.டி. தளத்தில் வெளியாகவுள்ளது.

நடிகர் விக்ரம் பிரபு நடிப்பில், அறிமுக இயக்குநர் சுரேஷ் ராஜகுமாரி இயக்கத்தில் சிறை படம் வெளியாகியுள்ளது.

7 ஸ்கிரீன் ஸ்டுடியோ சார்பில், எஸ்.எஸ். லலித் குமார் இந்த படத்தை தயாரித்துள்ளார்.

ஒரு காவல் அதிகாரிக்கும், விசாரணைக் கைதிக்குமான பயணம் தான் இப்படத்தின் மையம்.

நடிகர் விக்ரம் பிரபு நாயகனாக நடிக்க, ஜோடியாக நடிகை அனந்தா நடித்து இருந்தார்.

‘சிறை” திரைப்படம் கிறிஸ்மஸ் தினத்தன்று உலகமெங்கும் வெளியானது.

‘சிறை” படம் ரசிகர்களிடையே மட்டுமின்றி திரைப்பிரபலங்கள் மத்தியிலும் நல்ல வரவேற்பை பெற்றது. வசூல் வேட்டையும் நடத்தியமை குறிப்பிடத்தக்கது.