மசாஜ் என்ற போர்வையில் பாலியல் தொழில் – 11 பேர் கைது

பொலன்னறுவை – ஹபரணை பிரதேசத்தில் ஆயுர்வேத மசாஜ் நிலையங்கள் என்ற போர்வையில் இயங்கி வந்த நான்கு மசாஜ் நிலையங்களை சுற்றிவளைத்து நான்கு முகாமையாளர்கள் உட்பட 11 பெண்கள் கைது செய்யப்பட்டதாக பொலன்னறுவை குற்றப் புலனாய்வுப் பிரிவினர் தெரிவித்தனர்.

ஹிகுராக்கொட நீதிமன்றில் தேடுதல் உத்தரவு கிடைக்கப்பெற்றதன் பின்னர் இந்த சுற்றிவளைப்பு மேற்கொள்ளப்பட்டதாக பொலன்னறுவை பிரிவு குற்றப்புலனாய்வு பிரிவு நிலைய கட்டளைத் தளபதி தெரிவித்துள்ளார்.

கைது செய்யப்பட்ட நான்கு முகாமையாளர்களும் மொனராகலை, சிகிரியா, கம்பஹா, மஹியங்கனை ஆகிய பிரதேசங்களை வசிப்பவர்கள் எனவும், அவர்கள் 19 முதல் 35 வயதுக்கு இடைப்பட்டவர்கள் எனவும் இது தொடர்பில் விசாரணைகளை மேற்கொண்டு வரும் பொலன்னறுவை கோட்டாச குற்றப் புலனாய்வுப் பிரிவினர் தெரிவிக்கின்றனர்.

கைது செய்யப்பட்ட பெண்கள் 19, 27, 33, 47, 33, 48 வயதுடைய திம்புலாகல தலுகானை, ஹபரணை, களனி, மொனராகலை, பூனானி, அனுராதபுரம் மற்றும் வெல்லவாய பிரதேசங்களில் வசிக்கும் பெண்கள் என பொலிஸார் தெரிவிக்கின்றனர்.

மேலும் இந்த முகாமையாளர்கள் விபச்சாரத்தில் ஈடுபட்ட பெண்களுக்கு குறைந்த பணத்தை கொடுத்து அதிக பணம் சம்பாதித்துள்ளதாகவும் விசாரணைகளில் தெரியவந்துள்ளதுடன் இந்த மசாஜ் நிலையங்கள் நீண்டகாலமாக இயங்கி வருவதும் தெரியவந்துள்ளது.