பாடசாலை உணவு திட்டம் : கல்வி அமைச்சர் வெளியிட்ட தகவல்

நாடு முழுவதிலும் உள்ள ஆரம்பப் பாடசாலைகளில் பயிலும் 1.6 மில்லியன் மாணவர்களை உள்ளடக்கும் வகையில், தற்போது நடைமுறையில் உள்ள பாடசாலை உணவுத் திட்டம் 2024 ஆம் ஆண்டளவில் நீடிக்கப்படும் என கல்வி அமைச்சர் சுசில் பிரேமஜயந்த தெரிவித்துள்ளார்.

ஒக்டோபர் 18 மற்றும் 19 ஆம் திகதிகளில் நடைபெற்ற “பாடசாலை உணவுத் திட்டத்தின்” முதலாவது உலகளாவிய உச்சி மாநாட்டில் உரையாற்றிய அமைச்சர் பிரேமஜயந்த மேலும் தெரிவிக்கையில், 2030 ஆம் ஆண்டளவில் நாட்டிலுள்ள 4.1 மில்லியன் பாடசாலை மாணவர்களுக்கும் இலவச பாடசாலை மதிய உணவுகளை வழங்குவதற்கு திட்டமிடப்பட்டுள்ளதாகவும். இதற்கான பட்ஜெட் ஒதுக்கீடு 204 மில்லியன் அமெரிக்க டாலர்களாக உயர்த்தப்படும்.

அதன்படி, அரசுப் பாடசாலைகளில் மாணவர்களின் ஊட்டச்சத்துக்காக அர்ப்பணிக்கப்பட்ட நிதியமொன்றை அமைக்க தீர்மானிக்கப்பட்டுள்ளதாகவும், இது தொடர்பான அரசிதழ் தற்போது சட்ட வரைவாளரால் தயாரிக்கப்பட்டுள்ளதாகவும் அவர் மேலும் தெரிவித்தார்.