ஜனாதிபதித் தேர்தல் 2024 – முதலிடத்தை தக்க வைத்த அனுர- விருப்புவாக்கு எண்ணும் பணி தீவிரம்!

இலங்கை ஜனாதிபதி தேர்தலில் இதுவரை வெளியான வாக்குகளின் அடிப்படையில் தேசிய மக்கள் சக்தியின் ஜனாதிபதி வேட்பாளர் அனுரகுமார திஸாநாயக்க 5,634,915 (42.31%) வாக்குகளைப் பெற்று முன்னிலையில் உள்ளார்.

இரண்டாவது இடத்தில் ஐக்கிய மக்கள் சக்தியின் ஜனாதிபதி வேட்பாளர் சஜித் பிரேமதாஸ 4,363,035 ( 32.76% ) வாக்குகளைப் பெற்று 2 ஆவது இடத்தில் உள்ளார்.

ஜனாதிபதியும் சுயேட்சை வேட்பாளருமான ரணில் விக்கிரமசிங்க 2,299,767 ( 17.27%) வாக்குகளைப் பெற்று 3 ஆம் இடத்தில் உள்ளார்.

இந்நிலையில், ஜனாதிபதியை தெரிவு செய்வதற்காக தற்போது விருப்பு வாக்கு எண்ணும் நடவடிக்கைகள் ஆரம்பமாகியுள்ளமை குறிப்பிடத்தக்கது.