மனித உரிமைகள் ஆணைக்குழுவிற்கு புதிய தலைவர் நியமனம் தொடர்பில் வெளியான தகவல்
இலங்கை மனித உரிமைகள் ஆணைக்குழுவின் தலைவராக மற்றுமொரு முன்னாள் உயர் நீதிமன்ற நீதிபதி நியமிக்கப்படவுள்ளதாக தகவல்கள் வெளியாகியுள்ளன.
அண்மையில் கூடிய அரசியலமைப்பு சபையில் இது தொடர்பில் விரிவாக ஆராயப்பட்டுள்ளதாக தெரிவிக்கப்படுகிறது.
எவ்வாறாயினும், இந்த வாரம் அரசியலமைப்பு பேரவை கூட்டம் நடைபெறும் திகதி தொடர்பில் இதுவரை எவ்வித அறிவிப்பும் வெளியிடப்படவில்லை என தெரிவிக்கப்படுகிறது.
இதற்கு மேலதிகமாக, தற்போது தேர்தல்கள் ஆணைக்குழுவின் தலைவராக உள்ள சட்டத்தரணி நிமல் புஞ்சிஹேவாவும் ஆணைக்குழுவின் ஏனைய ஆணையாளர்களில் அடங்குவதாக மேலும் தெரிவிக்கப்பட்டுள்ளது.
தேர்தல் ஆணையம் மற்றும் மனித உரிமைகள் ஆணைக்குழுவிற்கு இதுவரை புதிய உறுப்பினர்கள் நியமிக்கப்படவில்லை.
இந்த ஆணைக்குழுக்களுக்கான புதிய உறுப்பினர்களை நியமிப்பது மிக விரைவில் நடைபெறும் என அரசியல் நிர்ணய சபை முன்னதாக அறிவித்திருந்தது
(Visited 8 times, 1 visits today)
