சிங்கத்தின் கர்ஜனையுடன் வந்த #LK7: அல்லு அர்ஜுனுடன் கைகோர்க்கும் லோகேஷ் கனகராஜ்!

நீண்ட நாட்களாக சினிமா வட்டாரங்களில் எதிர்பார்க்கப்பட்ட அந்த மெகா கூட்டணி இன்று பொங்கல் பரிசாக உறுதியாகியுள்ளது. ‘கூலி’ படத்தின் பிரம்மாண்ட வெற்றிக்குப் பிறகு, லோகேஷ் கனகராஜ் தனது 7-வது படத்தை தெலுங்கு சூப்பர் ஸ்டார் அல்லு அர்ஜுனுடன் இணைந்து இயக்கவுள்ளார்.

இந்தப் படம் அல்லு அர்ஜுனின் 23-வது படமாகவும் (#AA23), லோகேஷ் கனகராஜின் 7-வது படமாகவும் (#LK7) உருவாகிறது.

இன்று வெளியான அனிமேஷன் வீடியோவில், அடர்ந்த காட்டுப்பகுதியில் தீப்பிழம்புகளுக்கு நடுவே அல்லு அர்ஜுனின் கதாபாத்திரம் நடந்து வருவது போன்ற காட்சிகள் இடம்பெற்றுள்ளன. இது ஒரு ஆக்ஷன் நிறைந்த ‘ஜங்கிள் த்ரில்லராக’ இருக்கலாம் என எதிர்பார்க்கப்படுகிறது.

லோகேஷின் ஆஸ்தான இசையமைப்பாளர் அனிருத் ரவிச்சந்தர் இப்படத்திற்கு இசையமைக்கிறார். ’23’ எனப் பெயரிடப்பட்டுள்ள இதன் டைட்டில் ட்ராக் ஏற்கனவே வைரலாகத் தொடங்கிவிட்டது.

‘புஷ்பா’ படத்தைத் தயாரித்த மைத்ரி மூவி மேக்கர்ஸ் (Mythri Movie Makers) நிறுவனம் இந்தப் படத்தை மிக பிரம்மாண்டமான பட்ஜெட்டில் தயாரிக்கிறது.

இப்படத்தின் படப்பிடிப்பு 2026 ஆகஸ்ட் மாதம் தொடங்கும் எனத் தெரிவிக்கப்பட்டுள்ளது.

‘புஷ்பா 2’ படத்தின் இமாலய வெற்றிக்குப் பிறகு அல்லு அர்ஜுன் நடிக்கும் படம் என்பதாலும், லோகேஷின் தனித்துவமான ‘மேக்கிங்’ ஸ்டைல் இதனுடன் இணைவதாலும், இந்தப் படம் பான்-இந்தியா அளவில் புதிய வசூல் சாதனைகளைப் படைக்கும் என எதிர்பார்க்கப்படுகிறது.