விஜய்யின் இறுதி படத்தில் சூப்பர் ஸ்டார்? அவரே கூறிய தகவல்…

தனது அரசியல் பயணத்தை ஆரம்பித்த தளபதி விஜய், நடிப்புக்கு முற்றுப்புள்ளி வைக்க உள்ளார்.

இந்த நிலையில், நடிகர் விஜய்யின் கடைசி படமான தளபதி 69 ஷூட்டிங் கடந்த மாதம் தொடங்கி நடைபெற்று வருகிறது.

இவர் நடிப்பில் இறுதியாக வெளியான ‘தி கிரேட்டஸ்ட் ஆஃப் ஆல் டைம்’ திரைப்படம் ரசிகர்கள் மத்தியில் நல்ல வரேவற்பை பெற்றது.

இந்த நிலையில், ‘தளபதி 69’ படத்தில் அழகிய கதாபாத்திரத்தில் நடிக்க படக்குழு தன்னை தொடர்பு கொண்டதாக கன்னட சூப்பர்ஸ்டார் நடிகரான சிவராஜ்குமார் தெரிவித்துள்ளார்.

சமீபத்தில் அளித்த பேட்டி ஒன்றில் பேசிய சிவராஜ்குமார் இந்த தகவலை தெரிவித்து இருக்கிறார்.

இதுபற்றி பேசிய நடிகர் சிவராஜ்குமார், “விஜய் நடிக்கும் அடுத்த படத்தில் நல்ல கதாபாத்தித்தில் நடிக்க கேட்டிருக்கிறார்கள். எனது தேதிகள் சார்ந்த விஷயங்களால் இது எப்படி முடியும் என்பது தெரியவில்லை.

ஆனால், நடிகர் விஜய் நல்ல மனிதர், சிறப்பான நடிகர். சினிமா மற்றும் அரசியல் சார்ந்த அவரின் முடிவு அற்புதமானது. இவை இரண்டையும் நான் மதிக்கிறேன்,” என்று தெரிவித்தார்.