சூப்பர் ஸ்டாருடனான போட்டியிலிருந்து பின் வாங்கிய சூர்யா?

பிரபல இயக்குனர் சிறுத்தை சிவா இயக்கத்தில் உருவாகி வரும் நடிகர் சூர்யாவின் கங்குவா திரைப்படம், மாற்று தேதியில் வெளியிட பட குழு முடிவு செய்துள்ளதாக தகவல்கள் பரவி வருகிறது.

சிறுத்தை சிவா இயக்கத்தில் நடிகர் சூர்யாவின் திரை வரலாற்றிலேயே மிகப்பெரிய பட்ஜெட்டில் உருவாகும் கங்குவா திரைப்படம் முற்றிலும் மாறுபட்ட இரு வெவ்வேறு காலங்களை ஒன்றிணைத்து உருவாகியுள்ளதாக கூறப்படுகிறது.

வருகின்ற அக்டோபர் மாதம் 10ம் தேதி இந்த திரைப்படம் உலக அளவில் வெளியாகும் என்று அறிவிக்கப்பட்டது.

இந்நிலையில் அதே அக்டோபர் 10ம் தேதி சூப்பர் ஸ்டார் ரஜினிகாந்த் நடிப்பில் உருவாகி வரும் “வேட்டையன்” என்கின்ற திரைப்படமும் வெளியாகும் என்று முன்பே அறிவிக்கப்பட்டிருந்தது.

கடந்த சில நாட்களாகவே இவ்வாண்டின் மிகவும் எதிர்பார்க்கப்பட்ட இரு முக்கிய திரைப்படங்கள் ஒரே நாளில் வெளியாக உள்ளது தமிழ் ரசிகர்கள் மத்தியில் மிகப்பெரிய எதிர்பார்ப்பை ஏற்படுத்தி வந்தது.

இந்த நிலையில் தற்பொழுது வெளியாகி உள்ள சில தகவல்களின்படி, கங்குவா திரைப்படம் அக்டோபர் 10ம் தேதி வெளியாகாது என்றும், மாற்று தேதி விரைவில் அறிவிக்கப்படும் என்றும் கூறப்படுகிறது.

இருப்பினும் இந்த தகவல் குறித்த அதிகாரப்பூர்வ அறிவிப்பு எதுவும் இன்னும் பட குழுவின் சார்பாக அறிவிக்கப்படவில்லை என்பது குறிப்பிடத்தக்கது.

தொடர்புடைய செய்திகள்:

பிரபல திரைப்பட நடிகர் புற்றுநோயால் மரணம் மூன்று தசாப்தங்களை கொண்டாடும் ஜென்டில்மேன் திரைப்படகுழு ‘தளபதி விஜய்’யால் ஒரே நாளில் கூகுளில் அதிகம் தேடப்பட்ட ‘ஹாலிவுட் நடிகர்’ அனிருத் – ஆண்ட்ரியா பிரிவிற்கு காரணம் இதுதான்…