50 செகண்டுக்கு 5 கோடி வாங்கும் லேடி சூப்பர் ஸ்டார்…

தென்னிந்திய சினிமாவில் லேடி சூப்பர் ஸ்டார் என்ற பட்டத்துடன் கம்பீரமாக வலம் வருகின்றார் நடிகை நயன்தாரா.

40 வயதை கடந்தாலும் இன்றைய இளசுகளுக்கு டஃவ் கொடுத்து, அவர்களை விடவும் அதிக படங்களில் நடித்து வருகின்றார்.

இவர் சினிமாவில் அறிமுகமாகி 20 ஆண்டுகள் கடந்துவிட்டது. அன்று முதல் இன்று வரை கோலிவுட்டில் டாப் ஹீரோயினாக வலம் வருகிறார்.

இவர் தமிழ் மட்டுமின்றி இந்தி, மலையாளம், தெலுங்கு உள்ளிட்ட மொழிகளிலும் முன்னணி ஹீரோக்களுடன் நடித்திருக்கிறார்.

இவர் வாங்கும் சம்பளம் பற்றிய தகவல் வெளியாகி பரவலாக பேசப்பட்டு வருகிறது.

நடிகை நயன்தாரா சினிமாவில் நடிக்க ஒரு படத்துக்கு 10 முதல் 15 கோடி வரை சம்பளம் வாங்குகிறார்.

தென்னிந்தியாவில் அதிக சம்பளம் வாங்கும் நடிகைகள் பட்டியலில் முதலிடத்தில் இருக்கிறார். இவர் சினிமா மட்டுமின்றி விளம்பரங்களிலும் நடித்து, அதன் வாயிலாகவும் கோடி கோடியாய் சம்பாதித்து வருகிறார்.

அந்த வகையில் அவர் விளம்பரத்தில் நடிக்க குறிப்பாக 50 விநாடிகள் மட்டுமே ஒளிபரப்பாகக் கூடிய விளம்பரம் ஒன்றில் நடிப்பதற்காக ரூ.5 கோடி சம்பளமாக வாங்கி இருக்கிறார்.

டாடா ஸ்கை விளம்பரத்தில் நடிக்கவே அவர் இவ்வளவு பெரிய தொகையை சம்பளமாக வாங்கி உள்ளதாக கூறப்படுகிறது.