ஜி.வி.பிரகாஷின் 25வது படம்…! படத்தின் டைட்டில் லுக் போஸ்டரை வெளியிட்ட கமல்

நடிகர் ஜி.வி. பிரகாஷ் குமார் நடிப்பில் உருவாகும் அவரின் 25-வது படத்தின் டைட்டில் லுக் போஸ்டரை நடிகர் கமல்ஹாசன் வெளியிட்டார்.

இந்த படத்திற்கு ‘கிங்ஸ்டன்’ என்று தலைப்பிடப்பட்டுள்ளது. ஜி.வி. பிரகாஷின் பேரலல் யுனிவர்ஸ் பிக்சர்ஸ் மற்றும் ஜீ ஸ்டூடியோஸ் இணைந்து தயாரிக்கும் இந்தப் படத்தை இயக்குநர் கமல் பிரகாஷ் எழுதி இயக்குகிறார்.

இது ஜி.வி. பிரகாஷ் குமார் தயாரிக்கும் முதல் படமாகும். இந்தப் படத்தில் அவருக்கு ஜோடியாக நடிகை திவ்யபாரதி நடிக்கிறார்.

கடந்த 2011-ம் ஆண்டு ஜி.வி.பிரகாஷ் – திவ்ய பாரதி நடிப்பில் வெளியான ‘பேச்சுலர்’ திரைப்படம் பெரிய அளவில் பேசப்பட்டது. தற்போது அதே இணை மீண்டும் ‘கிங்ஸ்டன்’ படத்தில் இணைகின்றனர். இந்த படம் கடலை மையமாக வைத்து உருவாகுகிறது.