சந்தானத்தின் வேடிக்கையான பேய்கள் நிறைந்த உலகத்திற்குள் நுழையுங்கள்…

தமிழ் திரையுலகின் முன்னணி நடிகரான சந்தானம் இயக்குனர் பிரேம் ஆனந்த் இயக்கத்தில் ‘டிடி ரிட்டன்ஸ்’ திரைப்படத்தில் நடித்துள்ளார்.

இதில் சந்தானத்திற்கு ஜோடியாக ‘வேலையில்லா பட்டதாரி’, ‘இவன் வேற மாதிரி’ போன்ற படங்களில் நடித்த சுரபி கதாநாயகியாக நடித்துள்ளார்.

மேலும், ரெடின் கிங்ஸ்லி, மொட்ட ராஜேந்திரன், முனீஸ்காந்த், தங்கதுரை, தீபா, சைதை சேது, மானசி ஆகியோர் முக்கிய கதாபாத்திரத்தில் நடித்துள்ளனர்.

ஆர்.கே. என்டர்டெயின்மென்ட் தயாரித்துள்ள இந்த படத்திற்கு ஒ.எப்.ஆர்.ஒ இசையமைக்கிறார். இப்படத்தின் முதல் தோற்ற போஸ்டர் மற்றும் பாடல்கள் சமீபத்தில் வெளியாகி கவனம் பெற்றது.

இந்நிலையில், இப்படத்தின் ரிலீஸ் தேதி குறித்த அறிவிப்பு வெளியாகியுள்ளது. அதன்படி, ‘டிடி ரிட்டன்ஸ்’ திரைப்படம் வருகிற 28-ஆம் தேதி திரையரங்குகளில் வெளியாகவுள்ளது.

இதனை நடிகர் சந்தானம் தனது சமூக வலைதளத்தில் வீடியோ ஒன்றை பகிர்ந்து அறிவித்துள்ளார்.

மர்மம், நட்பற்ற ஆனால் வேடிக்கையான பேய்கள் மற்றும் மறக்க முடியாத குடும்ப வேடிக்கைகள் நிறைந்த உலகத்திற்குள் நுழையுங்கள்!

Step into a world of mystery, unfriendly but funny ghosts, and unforgettable family fun! Our captivating escape room games bring the magic of a kids and family movie to life. Don't miss #DDReturns, premiering on July 28th at your nearest theatres!
TRAILER FROM TOMORROW 👻😈 pic.twitter.com/i8zCezNtui

— Santhanam (@iamsanthanam) July 13, 2023