காசாவில் மோசமான மனிதாபிமான நிலைமை : ஆயிரக்கணக்கானோர் இறக்கும் அபாயம்
கான் யூனிஸில் உள்ள நாசர் மருத்துவமனையில் உணவு, மயக்க மருந்து மற்றும் வலி நிவாரணிகள் தீர்ந்துவிட்டதாக காசாவில் உள்ள ஹமாஸ் சுகாதார அமைச்சகம் தெரிவித்துள்ளது.
“இஸ்ரேலிய ஆக்கிரமிப்புப் படைகளின் முற்றுகையின் காரணமாக மருத்துவமனையில் சுகாதார மற்றும் மனிதாபிமான நிலைமை மிகவும் பேரழிவை ஏற்படுத்துகிறது” என்று அமைச்சகம் தெரிவித்துளளது.
சுகாதார அமைப்பு சரிந்து வருவதால் காசாவின் 36 மருத்துவமனைகளில் 16 மருத்துவமனைகள் ஓரளவு கூட செயல்படவில்லை என்று ஐநா பொதுச்செயலாளரான அன்டோனியோ குட்டரெஸ் தெரிவித்துள்ளார்.
அதாவது காஸா மக்கள் இடைவிடாத குண்டுவீச்சுகளால் கொல்லப்படவோ அல்லது காயமடையவோ மட்டும் அல்ல; ஹெபடைடிஸ் ஏ, வயிற்றுப்போக்கு, காலரா போன்ற தொற்று நோய்களை அவர்கள் பெறுவதற்கான வாய்ப்புகள் அதிகரித்து வருகின்றன” என்று குட்டரெஸ் கூறினார்.
செயல்படும் மருத்துவமனைகள் இல்லாமல், நோயாளிகள் காசாவை விட்டு வெளியேறுவதற்கான குறைந்த வாய்ப்புகள் இல்லாமல், புற்றுநோய் மற்றும் சிறுநீரக செயலிழப்பு போன்ற நாள்பட்ட நோய்களால் பாதிக்கப்பட்ட ஆயிரக்கணக்கானோர் இறக்கும் அபாயத்தில் உள்ளனர்.
மேலும் “வேண்டுமென்றே கொலை செய்தல், காயப்படுத்துதல், பொதுமக்களைக் கடத்துதல், அவர்களுக்கு எதிரான பாலியல் வன்முறையைப் பயன்படுத்துதல் – அல்லது பொதுமக்களின் இலக்குகளை நோக்கி கண்மூடித்தனமாக ராக்கெட்டுகளை ஏவுதல் ஆகியவற்றை எதுவும் நியாயப்படுத்த முடியாது.” அனைத்து பணயக்கைதிகளையும் உடனடியாக மற்றும் நிபந்தனையின்றி விடுவிக்குமாறு குட்டெரெஸ் கோரினார்.
(Visited 5 times, 1 visits today)
