இயக்குநர் பாரதிராஜாவின் மகன் மனோஜ் மாரடைப்பால் காலமானார்

இயக்குநர் பாரதிராஜாவின் மகனும், நடிகருமான மனோஜ் மாரடைப்பால் காலமானார். அவருக்கு வயது 48.

பிரபல இயக்குநர் பாரதிராஜாவின் மகன் மனோஜ். இவர்,1999ம் ஆண்டு பாரதிராஜா இயக்கிய தாஜ்மஹால் என்ற படத்தில், நடிகராக அறிமுகமானார்.

தொடர்ந்து சமுத்திரம், கடல்பூக்கள், அல்லி அர்ஜூனா, வருஷமெல்லாம் வசந்தம், பல்லவன், ஈர நிலம், மகா நடிகன், அன்னக்கொடி உள்ளிட்ட படங்களில் நடித்துள்ளார்.

கடைசியாக 2022ம் ஆண்டு விருமன் என்ற படத்தில் நடித்து இருந்தார்.

இதற்கு முன்னர், உதவி இயக்குநராகவும் பணியாற்றி உள்ளார். இவர் நந்தனா என்ற பெண்ணை காதலித்து திருமணம் செய்து கொண்டார். இவர்களுக்கு இரண்டு பெண் குழந்தைகள் உள்ளனர்.

இந்நிலையில், மனோஜ் மாரடப்பு காரணமாக காரணமாக காலமானார். இதய அறுவை சிகிச்சை செய்திருந்த நிலையில், இன்று மாரடைப்பு ஏற்பட்டது. அவரது மறைவிற்கு பிரபலங்கள் இரங்கல் தெரிவித்து வருகின்றனர்.