மகாராஷ்டிராவில் பேருந்து கவிழ்ந்து விபத்து – 10 பேர் மரணம்

மகாராஷ்டிர மாநிலம் பண்டாராவில் இருந்து கோண்டியாவுக்குச் சென்ற பேருந்து கட்டுப்பாட்டை இழந்து கவிழ்ந்ததில் 10 பேர் உயிரிழந்தனர் மற்றும் பலர் காயமடைந்தனர்.

காயமடைந்தவர்களுக்கு உதவ போலீஸ் வேன்கள், ஆம்புலன்ஸ்கள் மற்றும் கிரேன்கள் சம்பவ இடத்திற்கு விரைந்தன.

கோண்டியா மாவட்டத்தில் உள்ள கோண்டியா-அர்ஜுனி சாலையில் உள்ள பிந்த்ரவன தோலா கிராமத்தில் இந்த சம்பவம் நடந்துள்ளது. பேருந்து நாக்பூரில் இருந்து கோண்டியா நோக்கி சென்று கொண்டிருந்தது.

“கோண்டியா மாவட்டத்தில் அரசுப் போக்குவரத்துப் பேருந்து விபத்துக்குள்ளானது. பேருந்து பண்டாரா டிப்போவில் இருந்து கோண்டியாவுக்குச் சென்று கொண்டிருந்தபோது, ​​கோண்டியா-அர்ஜுனி சாலையில் பிந்த்ரவன தோலா கிராமம் அருகே பேருந்து ஓட்டுநரின் கட்டுப்பாட்டை இழந்து, பக்கவாட்டில் கவிழ்ந்தது. 8 பேர் உயிரிழந்துள்ளனர் மற்றும் 30 பேர் காயமடைந்துள்ளனர்” என்று அதிகாரி தெரிவித்தார்.

உயிரிழந்தவர்களின் குடும்பத்தினருக்கு பிரதமர் தேசிய நிவாரண நிதியில் இருந்து 2 லட்சம் இழப்பீடு வழங்கப்படும் என பிரதமர் நரேந்திர மோடி அறிவித்துள்ளார்.