ரஷ்ய தூதரக விசாக்களுக்கு புதிய கட்டுப்பாடுகளை விதிக்கும் பிரித்தானியா!
கிரெம்ளினுக்காக உளவு பார்த்ததற்காக ரஷ்ய பாதுகாப்பு இணைப்பாளரை இங்கிலாந்து வெளியேற்றும் என்றும் பல தூதரக கட்டடங்கள் மூடப்படவுள்ளதாகவும் உள்துறை செயலாளர் கூறியுள்ளார்.
ரஷ்ய உளவு வலைப்பின்னல்களை ஒடுக்கும் ஒரு பகுதியாக பிரிட்டனில் இருந்து உளவுத்துறை அதிகாரி வெளியேற்றப்படுவார் என உள்துறை செயலாளர் ஜேம்ஸ் க்ளவர்லி தெரிவித்துள்ளார்.
ரஷ்யாவிற்கு சொந்தமான சீகாக்ஸ் ஹீத் ஹவுஸ் உட்பட இங்கிலாந்தில் உள்ள ரஷ்யாவிற்கு சொந்தமான பல சொத்துக்களில் இருந்து தூதரக வளாக நிலையை அகற்றுவோம் என்றும் அவர் மேலும் கூறியுள்ளார்.
அதேநேரம் ரஷ்ய தூதரக விசாக்களுக்கு நாங்கள் புதிய கட்டுப்பாடுகளை விதிக்கிறோம், இதில் ரஷ்ய தூதர்கள் இங்கிலாந்தில் செலவிடக்கூடிய நேரத்தைக் கட்டுப்படுத்துகிறோம் என்றும் ஜேம்ஸ் தெரிவித்துள்ளார்.
