ஆஷஸ் தொடர் – மூன்றாம் நாள் முடிவில் 356 ஓட்டங்கள் முன்னிலையில் ஆஸ்திரேலிய அணி

ஆஸ்திரேலியா மற்றும் இங்கிலாந்து அணிகள் மோதும் பிரபல ஆஷஸ்(Ashes) தொடர் ஆஸ்திரேலியாவில் நடைபெற்று வருகிறது.

அந்தவகையில், 5 போட்டிகள் கொண்ட டெஸ்ட் தொடரின் மூன்றாவது போட்டி அடிலெய்ட்(Adelaide) மைதானத்தில் ஆரம்பமானது.

போட்டியின் நாணய சுழற்சியை வென்ற ஆஸ்திரேலிய அணி முதலில் துடுப்பெடுத்தாட தீர்மானம் செய்தது.

அந்த வகையில், முதல் இன்னிங்ஸில் ஆஸ்திரேலிய அணி 91.2 ஓவர்களுக்கு சகல விக்கெட்களையும் இழந்து 371 ஓட்டங்களை பெற்றது.

ஆஸ்திரேலிய அணி சார்பில், அலெக்ஸ் கரே(Alex Carey) 106 ஓட்டங்களும் உஸ்மான் கவாஜா(Usman Khawaja) 82 ஓட்டங்களும் பெற்றனர்.

இதனை தொடர்ந்து தனது முதல் இன்னிங்ஸை ஆரம்பித்த இங்கிலாந்து அணி 87.2 ஓவர்களுக்கு சகல விக்கெட்களையும் இழந்து 286 ஓட்டங்களை பெற்றது.

இங்கிலாந்து அணி சார்பில், ஹரி புரூக்(Harry Brook) 45 ஓட்டங்களும் மற்றும் பென் ஸ்டோக்ஸ்(Ben Stokes) 83 ஓட்டங்களும் ஜோப்ரா ஆர்ச்சர்(Jofra Archer) 51 ஓட்டங்களும் பெற்றனர்.

இந்நிலையில், 85 ஓட்டங்கள் முன்னிலையுடன் இரண்டாவது இன்னிங்ஸை விளையாடி வரும் ஆஸ்திரேலிய அணி மூன்றாம் நாள் முடிவில் 66 ஓவர்களுக்கு 4 விக்கெட்களை இழந்து 271 ஓட்டங்கள் பெற்றுள்ளது.

ஆஸ்திரேலிய அணி சார்பில், டிராவிஸ் ஹெட்(Travis Head) 142 ஓட்டங்களுடனும் அலெக்ஸ் கரே(Alex Carey) 52 ஓட்டங்களுடனும் களத்தில் உள்ளனர்.

இறுதியில், ஆஸ்திரேலிய அணி 356 ஓட்டங்கள் முன்னிலை வகிப்பது குறிப்பிடத்தக்கது.