குடும்பத்துடன் இரவில் ஜாலியாக படகு சவாரி சென்ற அஜித்… இணையத்தில் வைரலாகும் வீடியோ!

நடிகர் அஜித் துபாயில் குடும்பத்துடன் ஜாலியாக நேரம் செலவழித்த வீடியோ ஒன்று இணையத்தில் வைரலாகி வருகிறது.

மகிழ் திருமேனி இயக்கத்தில் நடிகர் அஜித் தற்போது ‘விடாமுயற்சி’ படத்தில் பிஸியாக நடித்து வருகிறார். முதல் கட்டப் படப்பிடிப்பைத் தொடர்ந்து தற்போதைய அடுத்தக் கட்டப் படப்பிடிப்பும் அஜர்பைஜானில் நடந்து வருகிறது. இதில் அஜித் ஜோடியாக த்ரிஷா நடிக்கிறார். படப்பிடிப்பு விறுவிறுப்பாக இறுதிக் கட்டத்தை நோக்கி நகர்ந்து வருகிறது. படப்பிடிப்பில் சிறிது பிரேக் கிடைத்தாலும் அந்த நாட்களை துபாயில் கழித்து வருகிறார் அஜித். அங்கு தனது குடும்பம் தங்குவதற்காக சொகுசு பங்களா ஒன்றையும் வாங்கி இருப்பதாக முன்பு தகவல் வெளியானது.

இந்த நிலையில், அஜித் இப்போது ‘விடாமுயற்சி’ படப்பிடிப்பு இடைவேளையின் போது துபாய் சென்றிருக்கிறார். அங்கு தனது குடும்பத்துடன் இரவு நேரத்தில் ஜாலியாக படகு சவாரி சென்றிருக்கிறார் அஜித். அஜித்தை ஷாலினி மற்றும் குழந்தைகளுடன் பார்த்த அங்கிருந்த ரசிகர்கள் சிலர், ‘தல’ என்று கத்தி உற்சாகத்தை வெளிப்படுத்துகிறார்கள். அதைப் பார்த்து அஜித் அவர்களுக்கு கையசைத்து வாழ்த்து கூறுகிறார். இந்த வீடியோ தற்போது இணையத்தில் அஜித் ரசிகர்கள் மத்தியில் அதிகம் பகிரப்பட்டு வருகிறது.

#Ajithkumar spending time with his family at Dubai💫
The way he waved hands when fans started calling him THALA🤩♥️#VidaaMuyarchi pic.twitter.com/YPVjCRA5c0

— AmuthaBharathi (@CinemaWithAB) January 2, 2024