அட்லீ படத்தில் சல்மானுக்கு பதில் அல்லு அர்ஜூன்?

இயக்குனர் அட்லீயின் அடுத்த பிரமாண்ட படத்தில் சல்மான் கான் நடிப்பதாக வதந்திகள் பரவின. ஆனால், அல்லு அர்ஜூன் தான் ஒப்பந்தம் செய்யப்பட்டுள்ளார்

இயக்குனர் அட்லீ குமார் இயக்கிய அனைத்து படங்களும் சூப்பர் ஹிட். ஷாருக்கான் நடித்த அவரது சமீபத்திய படம் ஜவான் மிகப்பெரிய வெற்றி பெற்றது.

பாக்ஸ் ஆபிஸில் ரூ.1160 கோடி வரையில் வசூல் குவித்து புதிய சாதனை படைத்தது. இப்போது, அட்லீ மற்றொரு பெரிய பட்ஜெட் படத்தை இயக்க தயாராகி வருகிறார்.

ஷாருக்கானுக்குப் பிறகு, அட்லீயின் அடுத்த படம் சல்மான் கானுடன் இருக்கும் என்று பேசப்பட்டது. ஆனால் இப்போது, சல்மான் கானுக்கு பதிலாக அல்லு அர்ஜூன் இந்த படத்தில் ஒப்பந்தம் செய்யப்பட்டுள்ளார்.

அல்லு அர்ஜூன் இப்போது நாடு முழுவதும் ஒரு பெரிய ரசிகர் பட்டாளத்தை உருவாக்கியுள்ளார். புஷ்பா 2 இந்தியாவின் அனைத்து மாநிலங்களிலும் அதிக வசூல் செய்துள்ளது.

சல்மான் கானின் படத்தை விட அல்லு அர்ஜுனின் படத்தை பார்க்க ரசிகர்கள் ஆவலாக உள்ளனர். தென்னிந்தியாவில் மட்டுமல்ல, வட இந்தியாவிலும் அல்லு அர்ஜூனின் கிரேஸ் அதிகரித்துள்ளது. அதனால்தான் அட்லீயின் அடுத்த படத்திற்கு அல்லு அர்ஜூன் தேர்வு செய்யப்பட்டதாக கூறப்படுகிறது.

இந்த படத்தை சன் பிக்சர்ஸ் தயாரிக்கிறது. இந்த படத்தின் பட்ஜெட் ஆரம்பத்தில் ரூ.600 கோடியாக நிர்ணயிக்கப்பட்டது. ஆனால் அல்லு அர்ஜூன் தேர்வு செய்யப்பட்டதால், பட்ஜெட் மேலும் அதிகரிக்கும் என்று எதிர்பார்க்கப்படுகிறது.

ஏற்கனவே ரூ.300 கோடி சம்பளம் வாங்கியுள்ள அல்லு அர்ஜூனுக்கு மேலும் டிமாண்ட் அதிகரித்துள்ளது. எனவே, அட்லீயின் அடுத்த படத்தில் அல்லு அர்ஜுனின் சம்பளம் ரூ.300 கோடியை விட அதிகமாக இருக்கும் என்று கூறப்படுகிறது.

இப்படி இருந்தால், மீதமுள்ள ரூ.300 கோடியில் பெரிய பட்ஜெட் படத்தை எடுக்க முடியாது என்கிறார் அட்லீ.

ஏனெனில் இந்த படத்தை இயக்குவதற்கு அட்லீ ரூ.100 கோடி கேட்டுள்ளார். எனவே, இருவரின் சம்பளத்திற்கே சுமார் ரூ.400 கோடி செலவிடப்பட்டால், மற்றவர்களின் சம்பளத்தை கொடுத்து மீதமுள்ள ரூ.200 கோடியில் படம் எடுக்க முடியாது. அதனால்தான் இந்த பட்ஜெட் ரூ.800 கோடியை தாண்டும் என்று கூறப்படுகிறது