புத்தாண்டில் ‘ஆலுமா டோலுமா’பாடலுக்கு ரசிகையுடன் குத்தாட்டம் போட்ட நடிகர் அஜித்!(வைரலான வீடியோ)

நடிகர் அஜித் குமார் புத்தாண்டில் ரசிகை ஒருவருடன் குத்தாட்டம் போட்ட வீடியோ ஒன்று இணையத்தில் வைரலாகி வருகிறது.

நடிகர் அஜித் குமார் இப்போது மகிழ் திருமேனி இயக்கத்தில் ‘விடாமுயற்சி’ படத்தில் நடித்து வருகிறார். இந்தப் படத்தை முடித்தப் பிறகு அவர் உலகம் முழுவதும் பைக் டூர் செல்ல திட்டமிட்டிருப்பதாகவும் தெரிகிறது.

அஜித் ஜோடியாக ‘விடாமுயற்சி’ படத்தில் த்ரிஷா நடிக்கிறார். இதன் படப்பிடிப்பு அஜர்பைஜானில் நடக்கிறது. அங்கிருந்து அவ்வப்போது புகைப்படங்கள் சமூக வலைதளத்தில் டிரெண்டாகும். இந்த நிலையில், படப்பிடிப்பு பிரேக்கின் போது துபாயில் உள்ள தனது இல்லத்திற்கு சென்று விடுவார் அஜித்.

அந்த வகையில், புத்தாண்டு கொண்டாட்டமாகத் தனது குடும்பத்துடன் துபாயில் நேரம் செலவிட்டுள்ளார் அஜித். அங்கு இரவில் தனது குடும்பத்துடன் போட்டில் சென்றவரை அங்கிருந்த ரசிகர்கள் அடையாளம் கண்டு கொண்டு, ‘தல தல’ என உற்சாகக் கூச்சலிட்டிருந்தனர். ரசிகர்களைப் பார்த்து கையசைத்தார் அஜித்.

இதனையடுத்து, புத்தாண்டு கொண்டாட்டத்தின் ஒருபகுதியாக அங்கிருந்த ரசிகை ஒருவருடன் ‘ஆலுமா டோலுமா’ பாடலுக்கு நடனம் ஆடியுள்ளார் அஜித். இந்த வீடியோ தற்போது இணையத்தில் வைரலாகி வருகிறது. அதேசமயம், விஜயகாந்த் மறைவுக்கு நேரில் கூட வராமல் இப்படி ரசிகையுடன் ஆட்டம் போட்டுக் கொண்டிருக்கிறார் அஜித் என இணையத்தில் பலர் திட்டி வருகின்றனர்.

AK 🕺🏽 pic.twitter.com/brF1aYnS3A

— Karthik Ravivarma (@Karthikravivarm) January 3, 2024