இலங்கையில் காசநோயாளர்களின் எண்ணிக்கை அதிகரிப்பு

கடந்த வருடத்துடன் ஒப்பிடுகையில் இலங்கையில் காசநோயாளிகளின் எண்ணிக்கையில் அதிகரிப்பு ஏற்பட்டுள்ளதாக காசநோய் தடுப்பு மற்றும் காசநோயைக் கட்டுப்படுத்தும் தேசிய வேலைத்திட்டம் தெரிவித்துள்ளது.

இலங்கையில் தற்போது சுமார் 6,000 காசநோயாளிகள் இருப்பதாகவும், அவர்களில் இருந்து ஆரோக்கியமான மக்களுக்கு காசநோய் பரவி வருவதாகவும் அந்த நிகழ்ச்சித் திட்டம் கூறியுள்ளது.

குறிப்பாக சிறு குழந்தைகளின் நோயெதிர்ப்பு மண்டலத்தின் பலவீனத்தால் பாக்டீரியாவை உட்கொள்ளும்போது உடலின் பல்வேறு உறுப்புகளில் பாதிப்பு மிக அதிகமாக இருக்கும் என்று கூறப்படுகிறது.

அதன்படி, இந்த வருடத்தின் முதல் காலாண்டில் 2525 காசநோயாளிகள் கண்டறியப்பட்டதாக காசநோய் கட்டுப்பாடு மற்றும் நோய்களுக்கான தேசிய வேலைத்திட்டத்தின் சமூக மருத்துவ நிபுணர் ஓனாலி ராஜபக்ஷ தெரிவித்தார்.