சிறையில் உண்ணாவிரதம் இருக்கும் நர்கஸ் முகமதி: அமைதிக்கான நோபல் பரிசை பெற்ற குழந்தைகள்
சிறையில் அடைக்கப்பட்டுள்ள ஈரானிய ஆர்வலர் நர்கஸ் முகமதியின் குழந்தைகள் இந்த ஆண்டுக்கான அமைதிக்கான நோபல் பரிசை அவர் சார்பாக ஏற்றுக்கொண்டனர்.
ஒஸ்லோவில் அமைதிக்கான நோபல் பரிசு சிறையில் அடைக்கப்பட்ட ஈரானிய ஆர்வலர் நர்கஸ் முகமதிக்கு வழங்கப்பட்டது,
பெண்கள் கட்டாயமாக ஹிஜாப் அணிவதையும், ஈரானில் மரண தண்டனை விதிக்கப்படுவதையும் கடுமையாக எதிர்த்த முகமதி, சிறையில் இருந்த போதிலும் அவரது பல தசாப்தங்களாக செயல்பாட்டிற்காக அக்டோபரில் 2023 அமைதிக்கான நோபல் பரிசு வழங்கப்பட்டது.
ஒஸ்லோ சிட்டி ஹாலில் 13:00 மணிக்கு நடந்த விருது வழங்கும் விழாவில் அவர் பங்கேற்கவில்லை. அவரது 17 வயது இரட்டையர்கள், அலி மற்றும் கியானா, அவர் சார்பாக பரிசைப் பெற்று, சிறையில் இருந்து அவர் ஆற்றிய உரையைப் படித்தனர்.
இந்நிலையில் அமைதிக்கான நோபல் பரிசு வென்ற நர்கஸ் முகமதி ஞாயிற்றுக்கிழமை ஓஸ்லோவில் பரிசு வழங்கப்படுவதால், ஈரானில் உள்ள தனது சிறை அறையில் இருந்து புதிய உண்ணாவிரதப் போராட்டத்தை தொடங்குவார் என்று அவரது குடும்பத்தினர் நேற்று தெரிவித்தனர்.
2003 இல் மனித உரிமை ஆர்வலர் ஷிரின் எபாடிக்கு பிறகு அமைதிக்கான நோபல் பரிசை வென்ற 19வது பெண்மணியும், இரண்டாவது ஈரானிய பெண்மணியும் முகமதி ஆவார்.
122 ஆண்டுகால விருதுகளின் வரலாற்றில், சிறையில் அல்லது வீட்டுக் காவலில் உள்ள ஒருவருக்கு அமைதிப் பரிசு வழங்கப்படுவது இது ஐந்தாவது முறையாகும்.
(Visited 4 times, 1 visits today)
