அ.தி.மு.க. அரசு தமிழகத்தை சீரழித்துள்ளது – கே.எஸ். ஆழகிரி
கடந்த 10 ஆண்டுகளாக அ.தி.மு.க. அரசு தமிழகத்தை சீரழித்து வைத்துள்ளது என தமிழக காங்கிரஸ் தலைவர் கே.எஸ். ஆழகிரி தெரிவித்துள்ளார்.
மதுரை திருப்பரங்குன்றம், திருநகர், தனக்கன்குளம் உள்ளிட்ட பகுதிகளில் காங்கிரஸ் கட்சியின் கொடியேற்று விழா இன்று நடைபெற்றது. இதில் கலந்துகொண்டு கருத்து தெரிவித்த போதே அவர் இவ்வாறு கூறினார்.
தொடர்ந்து தெரிவத்த அவர், இந்தியாவில் ஜனநாயகத்தை மத்திய அரசு சிதைத்து வருகிறது என்று ராகுல்காந்தி பேசி உள்ளார். ஜனநாயக முறைப்பாடுகளை அவர் குற்றம் சாட்டவில்லை. சிறந்த இந்திய ஜனநாயகத்தை அவர்கள் பாழ்படுத்துகிறார்கள் என்று தெரிவித்து உள்ளார். இதில் எந்த தவறும் இல்லை.
ஜனநாயகத்தை பற்றி பா.ஜனதாவிற்கு ஒன்றும் தெரியாது. அதானி ஊழல் செய்தது குறித்து பேசினால் தேசத்துக்கு எதிராக பேசுவதாக கூறுகின்றனர். பொது மக்கள் இதனை புரிந்து கொள்ள வேண்டும்.
அதானிக்கு சட்டத்திற்கு புறம்பாக பல்வேறு உதவிகள் செய்துள்ளனர். அது தற்போது வெளியே வந்துள்ளது. அதற்காக காங்கிரஸ் பற்றி பொய்யான பரப்புரையை அவர்கள் செய்து வருகின்றனர். இது கண்டிக்கத்தக்கது.
கடந்த 10 ஆண்டுகளாக அ.தி.மு.க. அரசு தமிழகத்தை சீரழித்து வைத்துள்ளது. தி.மு.க. ஆட்சிக்கு வந்தவுடன் போதை ஒழிப்பு பிரச்சினையில் தீவிரமாக இறங்கி பல்வேறு கைது நடவடிக்கைகளை செய்துள்ளது
மேலும் தமிழகத்தில் சட்டம் ஒழுங்கு சரியில்லை என கூறுகின்றனர். நடவடிக்கை ஏதும் எடுக்காத பட்சத்தில் அதுபோல கூறலாம். ஆனால் இங்கு தப்பு செய்பவர்கள் உடனடியாக தண்டனை பெறுகின்றனர் எனத் தெரிவித்துள்ளார்.
(Visited 4 times, 1 visits today)
