நியூ டைமண்ட் கப்பலை விடுவிக்க உத்தரவிட்டது யார் : சந்திம வீரக்கொடி கேள்வி!

இலங்கை கடலில் விபத்துக்கு உள்ளான நியூ டைமண்ட் கப்பலை விடுவிக்க உத்தரவிட்டது யார் என்பது தொடர்பில் முன்னாள் ஜனாதிபதி கோட்டாபய ராஜபக்ஷ அறிவிக்க வேண்டும் என எதிர்க்கட்சியில் சுயாதீனமாக இயங்கும் பாராளுமன்ற உறுப்பினர்கள் குழுவைச் சேர்ந்த சந்திம வீரக்கொடி தெரிவித்தார்.

பாராளுமன்றத்தில் நேற்று இடம்பெற்ற,  எக்ஸ்பிரஸ் பேர்ள் கப்பலால் ஏற்பட்ட பாதிப்புகளுக்கான நஷ்ட ஈடு தொடர்பான இரண்டாம் நாள் சபை ஒத்திவைப்புவேளை விவாதத்தில் உரையாற்றும் போதே இவ்வாறு தெரிவித்தார்.

எக்ஸ்பிரஸ் பேர்ல் கப்பலால் எமது கடல்சார் சுற்றாடலுக்கு பெறும் பாதிப்பு ஏற்பட்டுள்ளது. இதற்கு தற்போது மதிப்பிடப்பட்டுள்ள நஷ்ட ஈட்டுத்தொகை போதுமானது அல்ல.

இதனால் பாதிப்புக்களுக்கு ஏற்றவாறு முறையாக மதிப்பீடுகளை செய்து நஷ்ட ஈட்டை பெற்றுக்கொள்ள நடவடிக்கை எடுக்க வேண்டும்.

இதற்கு முன்னர் விபத்துக்கு உள்ளான நியூ டைமண்ட் கப்பல் தொடர்பில் இந்த பாராளுமன்றத்தில் பேசப்படுகிறது.

அந்த கப்பலை விடுவிப்பதற்காக அப்போதைய வெளிவிவகார அமைச்சர் ஊடாக அப்போதைய ஜனாதிபதி கோட்டாபய ராஜபக்ஷ நடவடிக்கை எடுத்ததாக அவர் மீது நீதி அமைச்சர் குற்றம் சாட்டியுள்ளார். இதனால் முன்னாள் ஜனாதிபதி இது தொடர்பில் பதிலளிக்க வேண்டும்.

இல்லாவிட்டால் இந்த கப்பலை அவரின் உத்தரவின் பேரிலேயே விடுவித்துள்ளதாக கருத வேண்டிவரும் என்றார்.

தொடர்புடைய செய்திகள்:

இலங்கையில் இடம்பெற்ற கோர விபத்து : பரிதாபமாக உயிரிழந்த 06 வயது குழந்தை! மார்ச் மாதத்தில் குறைந்தது 1,000 இலங்கைத் தொழிலாளர்கள் இஸ்ரேல் செல்லவுள்ளனர் மெத-மஹநுவர பகுதியில் மேல் வீதியில் இருந்து வீதியில் விழுந்த பஸ் நிராகரிப்புகளை மாற்றி உயர் தரப் பரீட்சையில் சாதித்த மாணவன் இலங்கையில் அறிமுகப்படுத்தப்பட்டுள்ள புதிய விளையாட்டு! கிரிக்கெட் அணியின் முன்னாள் தலைவர் பெருமிதம் இலங்கையில் காணாமல் போன மாணவி தொடர்பில் வெளியான தகவல்