Women’s T20 WC – ஆஸ்திரேலியா அதிரடி வெற்றி

9வது மகளிர் டி20 உலகக் கோப்பை தொடர் ஐக்கிய அரபு அமீரகத்தில் உள்ள துபாய் மற்றும் சார்ஜாவில் நடைபெற்று வருகிறது.

இந்த தொடரில் இன்றைய லீக் ஆட்டத்தில் ஆஸ்திரேலியா- நியூசிலாந்து அணிகள் மோதின.

ஆஸ்திரேலியாவின் தொடக்க ஆட்டக்காரர்களாக அலிசா ஹீலி மற்றும் பெத் மூனி ஆகியோர் களம் இறங்கினர்.

இருவரும் நிதான ஆட்டத்தை வெளிப்படுத்தி ரன்கள் சேர்த்தனர். இதில் அலிசா ஹீலி 26 ரன்னிலும், பெத் மூனி 40 ரன்னிலும் அவுட் ஆகினர்.

அதனை தொடர்ந்து களம் இறங்கிய எல்லிஸ் பெர்ரி 30 ரன்னிலும், போப் லிட்ச்பீல்ட் 18 ரன்னிலும், கிரேஸ் ஹாரிஸ் ரன் எடுக்காமலும், ஜார்ஜியா வேர்ஹாம் 4 ரன்னிலும், ஆஷ்லே கார்ட்னர் 4 ரன்னிலும் அவுட் ஆகினர்.

இறுதியில் ஆஸ்திரேலிய அணி 20 ஓவர்களில் 8 விக்கெட் இழப்புக்கு 148 ரன்கள் எடுத்தது. நியூசிலாந்து தரப்பில் அதிகபட்சமாக அமெலியா கெர் 4 விக்கெட் வீழ்த்தினார்.

பின்னர் 149 ரன்கள் எடுத்தால் வெற்றி என்ற எளிய இலக்குடன் நியூசிலாந்து அணி களமிறங்கியது.

ஆஸ்திரேலிய அணியின் பந்துவீச்சை சமாளிக்க முடியாமல் நியூசிலாந்து வீராங்கணைகள் அடுத்தடுத்து ஆட்டமிழந்தனர்.

இறுதியில், நியூசிலாந்து அணி 19.2 ஓவரில் 88 ரன்னில் ஆல்அவுட் ஆனது. இதனால் ஆஸ்திரேலியா 60 ரன்கள் வித்தியாசத்தில் வெற்றி பெற்றது.

தொடர்புடைய செய்திகள்:

IPL Match 49 – பஞ்சாப் அணிக்கு 163 ஓட்டங்கள் இலக்கு T20 உலக கோப்பை தொடருக்கு அச்சுறுத்தல் விடுத்த பயங்கரவாதிகள் IPL Match 57 – அதிரடியாக விளையாடி 9.4 ஓவரில் போட்டியை முடித்த ஐதராபாத் இலங்கை கிரிக்கெட் அணி விக்கிப்பீடியாவில் ‘Lonthayo’ ஆகிவிட்டது ICCயின் ஜூலை மாதத்திற்கான சிறந்த வீராங்கனையாக சமரி அத்தப்பத்து தேர்வு தோனி மட்டுமல்லாமல் மேலும் 2 வீரர்கள் பயன்பெற வாய்ப்பு