IMF இன் அடுத்த உதவிதொகை இலங்கைக்கு கிடைக்குமா : வரவு செலவு திட்டத்தை ஆராயும் குழுவினர்!

சர்வதேச நாணய நிதியத்திலிருந்து இலங்கைக்கு வர வேண்டிய தோராயமாக 333 மில்லியன் அமெரிக்க டாலர்கள் இன்னும் விடுவிக்கப்படவில்லை. இந்த தொகை விடுவிக்கப்படுவதற்கும் வரவு செலவு திட்டத்திற்கும் இடையில் தொடர்பு உள்ளது.

இந்நிலையில் 2025 ஆம் ஆண்டுக்கான வரவு செலவு திட்டம் குறித்து சர்வதேச நாணய நிதியம் கருத்து வெளியிட்டுள்ளது.

இலங்கையின் செழிப்பைப் பாதுகாப்பதற்கு, பேரண்டப் பொருளாதார ஸ்திரத்தன்மையைப் பேணுவதும், கடன் நிலைத்தன்மையை மீட்டெடுப்பதும் முக்கியம், மேலும் பொறுப்பான நிதிக் கொள்கையை செயல்படுத்துவது அவசியம் என ஐ.எம்.எஃப் வலியுறுத்தியுள்ளது.

புதிய வரி விலக்குகளைத் தடுப்பது அரசாங்க வருவாய் இழப்புகள் மற்றும் ஊழல் அபாயங்களைக் குறைக்கவும், சமூகச் செலவுகள் உட்பட செலவினங்களுக்குத் தேவையான நிதிப் பாதுகாப்புகளை உருவாக்கவும், இலங்கையில் மிகவும் பாதிக்கப்படக்கூடிய குழுக்களை ஆதரிக்கவும் உதவும் எனவும் சுட்டிக்காட்டியுள்ளது.

” அதன்படி, இலங்கை அரசாங்கத்தின் 2025 வரவு செலவுத் திட்ட முன்மொழிவுகள் எந்த அளவிற்கு IMF இன் அளவுருக்களுடன் இணங்குகின்றன என்பதை தீர்மானிக்க சர்வதேச நாணய நிதியத்தின் நிர்வாகக் குழு பிப்ரவரி 28 அன்று கூட உள்ளது.

இலங்கையின் மூன்றாவது மதிப்பாய்வு அங்கீகரிக்கப்பட்டால், இலங்கைக்கு சுமார் 333 மில்லியன் அமெரிக்க டாலர் நிதி வசதி கிடைக்கும் என அறிவிக்கப்பட்டுள்ளது.