இலங்கையில் 6.8 சதவீதத்தால் மின்கட்டணம் அதிகரிக்கப்படுமா? இறுதி முடிவு குறித்து வெளியான அறிவிப்பு!

இலங்கையில் மின் கட்டணத்தை 6.8 சதவீதத்தால் அதிகரிக்க முன்மொழியப்பட்டுள்ள நிலையில் இது தொடர்பான பொதுமக்களின் கருத்து கேட்பு நடவடிக்கைகள் நிறைவடைந்துள்ளன.

இந்நிலையில்  இந்த விடயம் தொடர்பில் பொதுப் பயன்பாட்டு ஆணைக்குழுவின்  இறுதி முடிவு இம்மாதம் 14 ஆம் திகதி அறிவிக்கப்படும் என்று அறிவிக்கப்பட்டுள்ளது.

மறுசீரமைப்பு திட்டங்களை அதிகாரிகள் முறையாக செயல்படுத்தத் தவறியதால், மின்சாரக் கட்டண உயர்வு செய்யப்பட வேண்டும் என்று இலங்கை மின்சார வாரியத்தின் தொழில்நுட்ப பொறியாளர்கள் மற்றும் மேற்பார்வையாளர்கள் சங்கத்தின் துணைத் தலைவர் நந்தன உதயகுமார குறிப்பிட்டுள்ளார்.

இதற்கிடையில், மின்சார பயனர் சங்கத்தின் தலைவர் எம்.டி.ஆர். அதுல, தற்போது 1.5 மில்லியன் ரூபாயாக இருக்கும் வாரியக் கட்டணம், மின்சார வாரியத்தைப் பிரிப்பதன் மூலம் கிட்டத்தட்ட ஒரு கோடி ரூபாயாக அதிகரிக்கும் என்று  கூறியுள்ளமையும்  குறிப்பிடத்தக்கது.