கனடாவில் இந்தியர்களுக்கு சாதகமற்ற சூழல் : 02 ஆண்டுகளில் தலைகீழாக மாறிய கண்ணோட்டம்!
கனடாவில் இந்தியர்களுக்கு சாதகமற்ற தன்மை நிலவுவதாக கருத்து கணிப்பு ஒன்றின் மூலம் தெரியவந்துள்ளது.
புது தில்லியின் வெளிநாட்டு தலையீடு மற்றும் அதன் பிராந்தியத்தில் வன்முறை குற்றச் செயல்கள் தொடர்பான அதிகளவிலான விமர்சனங்கள் கனடாவில் இந்தியாவை பற்றிய பொது கண்ணோட்டத்தை பாதித்துள்ளதாக தெரிவிக்கப்படுகிறது.
செவ்வாயன்று வெளியிடப்பட்ட ஒரு கணக்கெடுப்பில், 60% மாதிரிகள் இந்தியாவைப் பற்றி சாதகமற்ற பார்வையை கொண்டுள்ளதாக சுட்டிக்காட்டப்பட்டுள்ளது.
கனடாவின் ஆசிய-பசிபிக் அறக்கட்டளை கனடாவுடன் இணைந்து இலாப நோக்கற்ற Angus Reid நிறுவனம் (ARI) நடத்திய கருத்துக்கணிப்பில் இந்த விடயம் தெரியவந்துள்ளது.
இந்தியாவின் சாதகமான பார்வைகள் ஜனவரி 2020 இல் அதிகபட்சமாக 56% ஆக இருந்த நிலையில் டிசம்பரில் 26% ஆக சரிந்துள்ளதாக சுட்டிக்காட்டப்பட்டுள்ளது. இதன்படி எதிர்மறை பார்வை இரண்டு மடங்காக அதிகரித்துள்ளதாக சுட்டிக்காட்டப்பட்டுள்ளது.
இரண்டு ஆண்டுகளுக்கு முன்பு கனடாவின் இந்தோ-பசிபிக் வியூகம் வெளிவந்தபோது, இந்தியா ஒரு முக்கியமான பங்காளியாகக் குறிப்பிடப்பட்டது.
கனேடியர்கள் இந்தியாவை ஒரு பங்காளியாக, ஒரு நண்பராக, பார்த்தார்கள். ஆனால் அடிப்படையில் இரண்டு வருடங்களுக்கும் குறைவான காலப்பகுதியில் அந்த பார்வை மாற்றமடைந்துள்ளதாக தெரிவிக்கப்படுகிறது.
ஒட்டாவா இந்தியாவுடன் வர்த்தக உறவுகளை வலுப்படுத்த வேண்டும் என்று கனடியர்கள் இன்னும் விரும்புகிறார்கள். பதிலளித்தவர்களில் ஏறக்குறைய மூன்றில் இரண்டு பங்கினர் 64 சதவீமானோர் குறைந்தபட்ச எச்சரிக்கையுடன் இந்தியாவுடனான ஒரு தடையற்ற வர்த்தக ஒப்பந்தத்தில் வர்த்தக பேச்சுவார்த்தைகளை மீண்டும் திறக்க முயற்சிக்க வேண்டும் என்று கூறியுள்ளனர்.
(Visited 4 times, 4 visits today)
