கமல்ஹாசனுக்கு நன்றி தெரிவித்த உதயநிதி ஸ்டாலின்

கமல்ஹாசனுக்கு உதயநிதி ஸ்டாலின் நன்றி தெரிவித்துள்ளார்

இயக்குனர் மாரி செல்வராஜ் இயக்கத்தில் ‘மாமன்னன்’ படம் வெளியாகவுள்ளது.

பரியேறும் பெருமாள், கர்ணன் போன்ற பல வெற்றி படங்களை இயக்கியவரே இயக்குனர் மாரி செல்வராஜ் .

மாமன்னன் திரைப்படத்தில் உதயநிதி ஸ்டாலின், வடிவேலு, பகத் பாசில், கீர்த்தி சுரேஷ் உள்ளிட்ட பலர் முக்கிய வேடங்களில் நடித்துள்ளனர்.

ரெட் ஜெயண்ட் மூவிஸ் இப்படத்தை தயாரித்துள்ளது. இப்படத்தில் ஏ.ஆர்.ரகுமான் இசையமைத்துள்ளார்.

இப்படம் பல்வேறு சர்ச்சைகளுக்கு மத்தியில் நாளை திரையரங்குகளில் வெளியாகவுள்ளது.

இந்நிலையில் நடிகர் கமல்ஹாசன் ‘மாமன்னன்’ படத்தை பார்த்துள்ளார். இதனை உதயநிதி தனது சமூக வலைத்தளத்தில் பதிவிட்டுள்ளார்.

அந்த பதிவில், “மாமன்னன் படத்தை பார்த்துவிட்டு, இசை வெளியீட்டு விழாவிலும் பங்கேற்று உணர்ச்சிவசப்பட்டு பாராட்டிய கமல்ஹாசன் சாருக்கு மாமன்னன் படக்குழு சார்பில் எங்கள் மனமார்ந்த நன்றியை தெரிவித்துக்கொள்கிறோம்” என்று பதிவிட்டுள்ளார்.