கொழும்பில் பலரை ஏமாற்றி மோசடி – சிக்கிய இருவர் – விசாரணையில் வெளிவந்த தகவல்

கிரிபத்கொட பிரதேசத்தில் பண மோசடி நடவடிக்கையில் ஈடுபட்ட இரண்டு சந்தேக நபர்களை கிரிபத்கொட பொலிஸார் கைது செய்துள்ளனர்.

கைது செய்யப்பட்ட இருவரும் 37 மற்றும் 39 வயதுடைய கந்தானை மற்றும் பமுனுகம பிரதேசத்தை சேர்ந்தவர்களாகும்.

சந்தேகநபர்களிடம் முன்னெடுக்கப்பட்ட விசாரணைகளில், போலி ஆவணங்களை தயாரித்து 130,000,00 ரூபாவுக்கு கார் ஒன்றை விற்பனை செய்துள்ளமை தெரியவந்துள்ளது.

சந்தேகநபர் போலி ஆவணங்களை பயன்படுத்தி விற்பனை செய்த கார் ஒன்றை பன்னல பிரதேசத்தில் பொலிஸார் கைப்பற்றியுள்ளனர்.

நாட்டின் பல பகுதிகளிலும் வீடு கொள்வனவு, விற்பனை மற்றும் புதிதாக வீடு கட்டுதல் ஆகிய வியாபார நடவடிக்கைகளில் ஈடுபட்டு பலரை ஏமாற்றி பண மோசடி செய்துள்ளமை தெரியவந்துள்ளது.

சந்தேகநபர்களுக்கு எதிராக வெலிசர மற்றும் புதுக்கடை நீதிமன்றங்களில் திறந்த பிடியாணை பிறப்பிக்கப்பட்டுள்ளதாகவும், சம்பவம் தொடர்பான மேலதிக விசாரணைகளை கிரிபத்கொட பொலிஸார் மேற்கொண்டு வருகின்றனர்.