பாரிஸில் மகளை தேடிய தாய் – இறுதியில் சடலமாக மீட்கப்பட்ட சோகம்

பிரான்ஸ் தலைநகர் பாரிஸில் வீடொன்றில் இருந்து பெண் ஒருவரது சடலம் மீட்கப்பட்டுள்ளது.

பரிஸ் 8 ஆம் வட்டாரத்தில் இச்சம்பவம் இடம்பெற்றுள்ளது. ஞாயிற்றுக்கிழமை மாலை இச்சடலம் கண்டறியப்பட்டது.

பெண் ஒருவர் தனது மகள் தொடர்பான எந்தவித தகவல்களும் கிடைக்கவில்லை என்பதால், அவர் வசிக்கும் rue Beaujon வீதியில் உள்ள அடுக்குமாடி குடியிருப்பில் உள்ள வீட்டுக்குச் சென்றுள்ளார்.

அங்கு அவரது மகள் சடலமாக கிடப்பதைப் பார்த்து அதிர்ச்சியடைந்துள்ளார்.

உடனடியாக பொலிஸார் அழைக்கப்பட்டு சடலம் மீட்கப்பட்டது. மேற்படி சம்பவம் தொடர்பில் பரிஸ் பொலிஸார் விசாரணைகளை முன்னெடுதுள்ளனர்.