மத்திய டென்னசியில் கடுமையான சூறாவளி : 06 பேர் பலி!

மத்திய டென்னசியில் வீசிய கடுமையான புயல்கள் காரணமாக ஆறு பேர் உயிரிழந்துள்ளதுடன், வீடுகள், வணிக வளாகங்கள் சேதமடைந்துள்ளதாக ஊடகங்கள் செய்தி வெளியிட்டுள்ளன.

அத்துடன் டஜன் கணக்கானவர்கள் மருத்துவமனைக்கு அனுப்பப்பட்டுள்ளதாகவும் தெரிவிக்கப்படுகிறது.

கென்டக்கி மாநிலக் கோட்டிற்கு அருகிலுள்ள நாஷ்வில்லிக்கு வடக்கே மாண்ட்கோமெரி கவுண்டியில் சூறாவளி தாக்கம் அதிகமாக இருந்ததாகவும் தெரிவிக்கப்பட்டுள்ளது.

இந்நிலையில் உயிரிழந்தவர்களின் குடும்பத்தினருக்கு இரங்கல் தெரிவித்துள்ள நகர மேயர் ஜோ பிட்ஸ், இது பேரழிவு தரும் செய்தி என்றும் குறிப்பிட்டுள்ளார்.