பிரான்ஸில் கொள்ளையர்கள் அட்டகாசம் – 80,000 யூரோக்கள் பெறுமதியுள்ள நகைகள் திருட்டு
பிரான்ஸில் Chambourcy (Yvelines) நகரில் உள்ள நகைக்கடை ஒன்றில் பாரிய திருட்டு சம்பவம் ஒன்று இடம்பெற்றுள்ளது.
அந்த கடை உடைக்கப்பட்டு அங்கிருந்த 80,000 யூரோக்கள் பெறுமதியுள்ள நகைகள் கொள்ளையிடப்பட்டுள்ளது.
இங்குள்ள Cleor எனும் புகழ்பெற்ற நகைக்கடையிலேயே இக்கொள்ளைச் சம்பவம் இடம்பெற்றுள்ளது. செவ்வாய்க்கிழமை இரவு கடையினை உடைத்து உள்ளே நுழைந்த கொள்ளையர்கள், நகைகளை கொள்ளையிட்டுக்கொண்டு தப்பிச் சென்றுள்ளனர்.
புதன்கிழமை காலை 8 மணி அளவில் கடையின் ஊழியர்கள் கடையினை திறப்பதற்காக வருகை தந்த போது கடை உடைக்கப்பட்டிருப்பதை பார்த்துள்ளனர்.
அவர்களே காவல்துறையினரை அழைத்துள்ளனர். சம்பவம் தொடர்பில் விசாரணைகள் இடம்பெற்று வருகிறது. கொள்ளையிடப்பட்ட நகைகளின் மொத்த மதிப்பு 80,000 யூரோக்கள் என முதல் கட்ட விசாரணைகளில் தெரியவந்துள்ளது.
