பாகிஸ்தானில் கோதுமாவின் விலை 3600 ரூபாவாக நிர்ணயம்!! கடுமையாக திண்டாடும் மக்கள்

ஒரு மூட்டை கோதுமை மாவின் விலையை 3600 ரூபாவாக நிர்ணயித்ததையும், 2023 நிதிச் சட்டத்தின் கீழ் கொடூரமான முறையில் வரிகளை விதிப்பதையும் பாகிஸ்தான் மக்கள் நடவடிக்கைக் குழு நிராகரித்துள்ளதாகத் தெரிவிக்கப்படுகிறது.

அரசாங்கத்தின் முடிவுகள் மக்களுக்கு விரோதமானவை என பாகிஸ்தான் மக்கள் நடவடிக்கைக் குழு கூறியுள்ளதாக வெளிநாட்டு ஊடகங்கள் தெரிவித்துள்ளன.

கோதுமை மாவின் விலை அதிகரிப்பால், குறைந்த வருமானம் பெறும் குடும்பங்களைச் சேர்ந்த மக்கள் கடும் அவதிக்குள்ளாகி வருகின்றனர்.

அத்துடன் கோதுமை மா தட்டுப்பாட்டைக் கருத்திற் கொண்டு ஒவ்வொருவருக்கும் 7 கிலோ வீதம் வழங்கப்படும் என தெரிவித்தமை மக்களின் கண்களில் மண்ணைத் தூவுவதாகவும் குழு தெரிவித்துள்ளது.