இஸ்ரேல் – ஹமாஸ் மோதலில் உயிரிழந்த பிரித்தானிய பிரஜைகளின் எண்ணிக்கை 09 ஆக உயர்வு!

இஸ்ரேல் மீது ஹமாஸ் நடத்திய தாக்குதலில் கொல்லப்பட்ட பிரித்தானிய பிரஜைகளின் எண்ணிக்கை 9 ஆக உயர்ந்துள்ளதாக பிரதமரின் செய்தித் தொடர்பாளர் தெரிவித்துள்ளார்.

அக்டோபர் 7 ஆம் திகதி காஸாவிலிருந்து இஸ்ரேலுக்குள் ஊடுருவிய பின்னர் மேலும் ஏழு பிரித்தானிய பிரஜைகள் காணாமல்போயுள்ளதாகவும் அவர் கூறியுள்ளார்.

முன்னதாக ஏழு பிரிட்டிஷ் பிரஜைகள் கொல்லப்பட்டது உறுதிசெய்யப்பட்டதாகவும், ஒன்பது பேர் காணவில்லை என்றும் அதிகாரிகள் தெரிவித்திருந்த நிலையில், தற்போதைய புதுப்பிப்பு வந்துள்ளது.

அறிவிப்பின்படி இதுவரை கொல்லப்பட்ட பிரிட்டிஷ் பிரஜைகளில் ஒரு இளம்பெண், ஒரு சிப்பாய், விடுமுறையில் இஸ்ரேலுக்குச் சென்றவர்கள் மற்றும் ஒரு இசை விழா பாதுகாப்புக் காவலர் ஆகியோர் அடங்குவதாக தெரிவிக்கப்பட்டுள்ளது.