19 வயதான பெண்ணை காதலித்த 55 வயது நபருக்கு நேர்ந்த கதி : தமிழர் பகுதியில் சம்பவம்!

19 வயதுடைய யுவதி ஒருவருடன் காதல் உறவில் ஈடுபட்ட 55 வயதுடைய நபர் ஒருவரே அடித்துக் கொல்லப்பட்டுள்ளதாக சுன்னாகம் பொலிஸார் தெரிவித்துள்ளனர்.

யாழ்ப்பாணம், சுன்னாகம் பகுதியில் நேற்று (07.08) இந்த சம்பவம் இடம்பெற்றுள்ளது.

நபர் ஒருவர் மரத்தில் கட்டி வைத்து தாக்கப்பட்டுள்ளதாக சுன்னாகம் பொலிஸ் நிலையத்திற்கு தகவல் கிடைத்துள்ளது.

சம்பவ இடத்திற்கு சென்ற பொலிஸார் மரத்தில் கட்டப்பட்டிருந்த நபரை மீட்டு தெலிப்பளை வைத்தியசாலையில் அனுமதித்துள்ளதுடன் சிகிச்சை பலனின்றி உயிரிழந்துள்ளார்.

சுன்னாகம் ஆர்முகன் தெருவைச் சேர்ந்த 55 வயதுடைய நபரே உயிரிழந்துள்ளார். உயிரிழந்தவர் சுன்னாகம் பிரதேசத்தில் வசிக்கும் 19 வயதுடைய இளம்பெண் ஒருவருடன் காதல் உறவில் ஈடுபட்டிருந்த நிலையில் பொறாமை கொண்ட சிறுமியின் தரப்பினர் இந்த தாக்குதலை மேற்கொண்டுள்ளதாக பொலிஸார் தெரிவித்துள்ளனர்.

இளம் பெண்ணும் அதே குழுவினரால் தாக்கப்பட்டதாகவும் அவரும் தெலிப்பளை வைத்தியசாலையில் சிகிச்சை பெற்று வருவதாகவும் பொலிஸார் தெரிவித்தனர்.

மேலும் குறித்த தாக்குதல் சம்பவம் தொடர்பில் 06 சந்தேக நபர்களை பொலிஸார் கைது செய்துள்ளனர். கைது செய்யப்பட்ட சந்தேகநபர்கள் 23, 24,  38,  46 மற்றும் 48 வயதுடைய சுன்னாகம் பகுதியைச் சேர்ந்தவர்கள் என பொலிஸார் தெரிவித்தனர்.

சம்பவம் தொடர்பான மேலதிக விசாரணைகளை சுன்னாகம் பொலிஸார் மேற்கொண்டு வருகின்றனர்.

தொடர்புடைய செய்திகள்:

இலங்கையில் ஆண், பெண் மக்களிடையே உடல் பருமன் அதிகரித்து வருகிறது – மருத்துவ நிபுணர் நாட்டின் தற்போதைய நிலைமை கவலைக்குரியது – சந்திம வீரக்கொடி ஐந்து தலை நாகம் படமெடுக்க கிழக்கிலங்கையில் ஒய்யாரமாக அமர்ந்திருக்கின்றாள் நாககன்னி… அஸ்வெசும திட்டம் : போராடுவதற்கு பதிலாக மேன்முறையீடு செய்யுங்கள் – ஜீவன் தொண்டமான்!