யாழில் கோர விபத்தில் சிக்கிய தம்பதியினர்! கணவன் பலி

யாழ்ப்பாணம் – நல்லூர், செம்மணி வளைவுக்கு அருகில் இடம்பெற்ற வாகன விபத்தில் ஒருவர் உயிரிழந்துள்ளார்.

இவ்விபத்து சம்பவம் இன்று மதியம் இடம்பெற்றுள்ளது.

உந்துருளி ஒன்றும், தண்ணீர் தாங்கி ஊர்தி ஒன்றும் மோதிக் கொண்டதில் இந்த விபத்து இடம்பெற்றுள்ளது.

சம்பவத்தில், உந்துருளியில் பயணித்த கொக்குவில் கிழக்கை சேர்ந்த 31 வயதான ஒருவர் உயிரிழந்துள்ளார்.

கொக்குவில் கிழக்கை சேர்ந்த புவனேஸ்வரன் மனேஜ் (31) என்ற இளைஞரே சம்பவத்தில் உயிரிழந்துள்ளார்.

அவருடன் பயணித்த 26 வயதான அவருடைய மனைவி இந்த சம்பவத்தில் காயமடைந்த நிலையில் யாழ்ப்பாணம் போதனா வைத்தியசாலையில் சிகிச்சைகளுக்காக அனுமதிக்கப்பட்டுள்ளதாக காவல்துறையினர் தெரிவித்துள்ளனர்.