துபாயில் 1.14 லட்சத்திற்கு விற்கப்படும் தேநீர்

இந்திய வம்சாவளியைச் சேர்ந்த ஒரு தொழிலதிபரின் துபாய் உணவகம் அதன் வைரலான “கோல்ட் கரக்” தேநீரின் மூலம் ஆடம்பர தேநீரை புதிய உச்சத்திற்கு கொண்டு சென்றுள்ளது.

சுசேதா ஷர்மாவுக்குச் சொந்தமான, போஹோ கஃபே AED 5000க்கு இந்த ஆடம்பரமான பானத்தை வழங்குகிறது, 24காரட் தங்க இலைகளுடன் தூய வெள்ளி கோப்பைகளில் வழங்கப்படுகிறது.

இது இந்திய மதிப்பின் படி 1.14 லட்சத்திற்கு விற்கப்படுகிறது.

DIFCயின் எமிரேட்ஸ் பைனான்சியல் டவர்ஸில் அமைந்துள்ள போஹோ கஃபே இரட்டை உணவு பட்டியலை கொண்டுள்ளது, உயர்தர மற்றும் மலிவு விலையில் இந்திய தெரு உணவு விருப்பங்களை வழங்குகிறது.

மெனுவில் உள்ள மற்ற பிரீமியம் பொருட்களில் கோல்ட் சாவனிர் காபி, கோல்ட்-டஸ்ட் குரோசண்ட்ஸ், கோல்ட் டிரிங்க்ஸ் மற்றும் கோல்ட் ஐஸ்கிரீம் ஆகியவை அடங்கும் என்று கலீஜ் டைம்ஸ் தெரிவித்துள்ளது.

“இன்பம் தேடும் மக்களுக்கு விதிவிலக்கான ஒன்றைச் செய்ய விரும்பினோம், அதே நேரத்தில் பெரிய சமூகத்திற்கும் உணவளிக்க விரும்புகிறோம்” என்று சுசேதா ஷர்மா தெரிவித்தார்.

அவர்களின் ‘ராயல் மெனுவில்’ உள்ள மற்ற சலுகைகளில் தங்க நினைவு பரிசு காபி அடங்கும், இது வெள்ளிப் பொருட்களில் வழங்கப்படுகிறது மற்றும் AED 4,761 க்கு விற்கப்படுகிறது.