நிபந்தனைகளுடன் தமிழக வெற்றிக் கழகத் தலைவரின் பேரணிக்கு அனுமதி

தமிழக வெற்றிக் கழகத் தலைவரும் நடிகருமான விஜய் யூனியன்(Union) பிரதேசத்தில் ஒரு அரசியல் பேரணியை நடத்த உள்ளதால் நிபந்தனையுடன் அனுமதி வழங்கப்பட்டுள்ளது.

“தமிழக வெற்றிக் கழகத்தின் அடுத்த பேரணியில் 5,000 பங்கேற்பாளர்கள் அனுமதிக்கப்படுவார்கள். மேலும் அதிகாரப்பூர்வ செய்திக்குறிப்பு மூலம் விரைவில் விரிவான வழிகாட்டுதல்கள் வெளியிடப்படும்” என்று மூத்த காவல்துறை அதிகாரி ஒருவர் குறிப்பிட்டுள்ளார்.

அங்கீகரிக்கப்பட்ட இடம் 500 பேர் இருக்கக்கூடிய வகையில் பகுதிகளாக பிரிக்கப்படும், அந்த இடத்தில் குடிநீர் மற்றும் கழிப்பறை வசதிகளை ஏற்பாடு செய்யுமாறு அதிகாரிகள் ஏற்பாட்டாளர்களுக்கு அறிவுறுத்தியுள்ளனர் என்று காவல்துறை தெரிவித்துள்ளது.

மேலும், பாதுகாப்பு முன்னெச்சரிக்கை நடவடிக்கைகளின் ஒரு பகுதியாக, கர்ப்பிணிப் பெண்கள், குழந்தைகள் மற்றும் முதியவர்கள் இந்த நிகழ்வில் கலந்து கொள்ள அனுமதிக்கப்பட மாட்டார்கள் என்று தெரிவிக்கப்பட்டுள்ளது.

இந்த புதிய அனுமதி செயல்முறை, இந்த ஆண்டு தொடக்கத்தில் டி.வி.கே. பேரணியின் போது 41 பேர் இறந்த கரூர்(Karur) கூட்ட நெரிசலை தொடர்ந்து வருகிறது.

அதைத் தொடர்ந்து, இதுபோன்ற சம்பவங்களைத் தடுக்க தமிழக அரசு அரசியல் பேரணிகளுக்கான புதிய வழிகாட்டுதல்களை உருவாக்கியுள்ளது.