ஆஸ்திரியாவில் அவசரமாக தரையிறக்கப்பட்ட சுவிஸ் விமானம் : பணியாளர் உயிரிழப்பு!

கேபினில் ஏற்பட்ட புகை காரணமாக சுவிஸ் விமானம் ஒன்று ஆஸ்திரியாவில் அவசரமாக தரையிறக்கப்பட்டுள்ளது.

இந்நிலையில் குறித்த விமான பணிப்பெண் ஒருவர் உயிரிழந்துள்ளதாக அறிவிக்கப்பட்டுள்ளது.

டிச. 23 அன்று புக்கரெஸ்டில் இருந்து சூரிச் சென்ற விமானம், காக்பிட் மற்றும் கேபினில் எஞ்சின் கோளாறுகள் மற்றும் புகை நிரம்பியதால் கிராஸுக்கு திருப்பி விடப்பட்டது என்று சுவிஸ் ஒரு அறிக்கையில் தெரிவித்துள்ளது.

இதில் ஒருவர் வைத்தியசாலையில் அனுமதிக்கப்பட்டுள்ளதாக அந்நேரம் அறிவிக்கப்பட்டிருந்தது. இந்நிலையில் குறித்த பணியாளர் நேற்று (30.12) உயிரிழந்துள்ளார்.

இந்நிலையில் அவருக்கு இரங்கல் வெளியிடப்பட்டுள்ளது. அவரது இழப்பு நம் அனைவரையும் ஆழ்ந்த அதிர்ச்சியிலும் துயரத்திலும் ஆழ்த்தியுள்ளது. எங்கள் எண்ணங்கள் அவரது குடும்பத்துடன் உள்ளன என சுவிஸ் விமான நிறுவனத்தின் தலைமை அதிகாரி தெரிவித்துள்ளார்.