இலங்கையின் தேசிய பாதுகாப்பு உறுதி செய்யப்பட்டுள்ளது – சஜித்தின் கேள்விக்கு பதில்!
ஒழுங்கமைக்கப்பட்ட குற்றக் கும்பல்களுக்கு இடையே நிகழும் சம்பவங்கள் தேசிய பாதுகாப்புக்கு அச்சுறுத்தலாக இருக்காது என்று பொது பாதுகாப்பு அமைச்சர் அன்னதா விஜேபால தெரிவித்துள்ளார்.
அளுத்கடே நீதிமன்ற வளாகத்தில் நடந்த துப்பாக்கிச் சூடு சம்பவம் தேசிய பாதுகாப்புக்கு கடுமையான அச்சுறுத்தலை ஏற்படுத்துவதாகக் கூறி, எதிர்க்கட்சித் தலைவர் சஜித் பிரேமதாச இன்று (20) நாடாளுமன்றத்தில் எழுப்பிய கேள்விக்கு பதிலளிக்கும் போதே அமைச்சர் அன்னந்த விஜேபால இவ்வாறு தெரிவித்தார்.
ஒழுங்கமைக்கப்பட்ட குற்றக் கும்பல்களுக்கு இடையே நீண்டகாலமாக நிலவும் மோதல்களின் விளைவாகவே இந்தக் கொலைகள் நிகழ்கின்றன என்று அமைச்சர் கூறினார்.
நாட்டின் பல்வேறு பகுதிகளிலிருந்து தனிமைப்படுத்தப்பட்ட சம்பவங்கள் மட்டுமே பதிவாகியுள்ளதாகவும் பொதுப் பாதுகாப்பு அமைச்சர் கூறினார்.
தனிமைப்படுத்தப்பட்ட சம்பவங்களை தேசிய பாதுகாப்புக்கு அச்சுறுத்தலாகக் கருதக்கூடாது என்றும் அவர் சுட்டிக்காட்டுகிறார்.
நாட்டில் தேசிய பாதுகாப்பை அரசாங்கம் உறுதி செய்துள்ளது என்று அமைச்சர் நாடாளுமன்றத்தில் வலியுறுத்தினார்.
(Visited 6 times, 1 visits today)
