இலங்கை நாடாளுமன்ற உறுப்பினரை குறி வைத்து துப்பாக்கி சூடு

தேசிய சுதந்திர முன்னணியின் நாடாளுமன்ற உறுப்பினர் உத்திக பிரேமரத்னவை குறி வைத்து நேற்றிரவு இனந்தெரியாத நபர்களால் துப்பாக்கிச் சூடு நடத்தப்பட்டுள்ளது.

எனினும் இந்த துப்பாக்கிச்சூட்டில் உறுப்பினருக்கு காயம் ஏதும் ஏற்படவில்லை என தெரிவிக்கப்படுகிறது.

நாடாளுமன்ற உறுப்பினர் ஓட்டிச் சென்ற காரில் துப்பாக்கி தோட்டா பாய்ந்துள்ளது.

நேற்றிரவு 10.35 மணியளவில் நாடாளுமன்ற உறுப்பினர் காரில் இருந்து இறங்கி வீட்டின் கேட்டை திறக்கும் போது இந்த துப்பாக்கி சூடு நடத்தப்பட்டுள்ளது.

இந்த துப்பாக்கிச் சூடு தொடர்பான விசாரணைகளை அனுராதபுரம் பொலிஸார் ஏற்கனவே ஆரம்பித்துள்ளதாக தெரிவிக்கப்பட்டுள்ளது.

துப்பாக்கிச் சூடு நடத்தப்பட்ட இடத்தில் தோட்டாக்கள் பொலிஸாரால் கண்டுபிடிக்கப்பட்டதுடன், 09 மில்லி மீற்றர் ரக துப்பாக்கியால் சுடப்பட்டுள்ளதாக கண்டுபிடிக்கப்பட்டுள்ளது.

தொடர்புடைய செய்திகள்:

சிறுபான்மையினருக்கு எதிரான மதத்துன்புறுத்தல்கள் குறித்து அமெரிக்கா தகவல்! இடைநிறுத்தப்பட்ட திட்டங்களை மீள ஆரம்பிப்பது குறித்து ஜப்பான் அரச பிரநிதியுடன் கலந்துரையாடல்! ஜனாதிபதிக்கு அச்சுறுத்தல் விடுத்த சூன் பான் வியாபாரிக்கு விளக்கமறியல் ஏப்ரல் தாக்குதல் : சர்வதேச விசாரணையை நடத்த தயார்!